ევროსაბჭოს საპარლამენტო ასამბლეის 20-მა დეპუტატმა ევროსაბჭოს მინისტრთა კომიტეტს (ევროსაბჭოს უმაღლესი აღმასრულებელი ორგანო) და გენერალურ მდივანს, 2024 წელს საქართველოში მომიტინგეების ქიმიური საშუალებით მოწამვლის საკითხთან დაკავშირებით, წერილობითი შეკითხვა გაუგზავნა. ამის შესახებ ინფორმაციას Euroscope ავრცელებს.

ევროსაბჭოს საპარლამენტო ასამბლეის დეპუტატებმა ევროსაბჭოს მინისტრთა კომიტეტს და გენერალურ მდივანს ჰკითხეს:

1) რა ღონისძიებებს იღებს კომიტეტი აღნიშნული მოწამვლის დეტალური, ეფექტური და დამოუკიდებელი გამოძიების უზრუნველსაყოფად;

2) განიხილავს თუ არა გენერალური მდივანი ევროკონვენციის 52-ე მუხლის გამოყენებას ყველა რელევანტური ინფორმაციის გამოსაკვლევად [ეს მუხლი უფლებამოსილებას აძლევს გენმდივანს მოსთხოვოს უფლებების შესრულებაზე სახელმწიფოს ახსნა-განმარტება მოსთხოვოს].

Euroscope-ის ცნობით, შეკითხვებს ევროპის საბჭოს საპარლამენტო ასამბლეის (PACE) 20 დეპუტატი აწერს ხელს, 19 ევროპის სახალხო პარტიიდან (EPP) და 1 კონსერვატორებიდან (15 სხვადასხვა ქვეყნიდან).