შინაგან საქმეთა მინისტრის გადაწყვეტილებით, საგანგებო სიტუაციების მართვის სააგენტოს თანამშრომლები უმწიკვლო სამსახურისთვის დაჯილდოვდნენ.

სულ სააგენტოს 165 თანამშრომელი დაჯილდოვდა.

"სამსახურებრივი მოვალეობის სანიმუშოდ შესრულებისა და კეთილსინდისიერი სამსახურისთვის, საგანგებო სიტუაციების მართვის სააგენტოს თანამშრომლებს ვადაზე ადრე მიენიჭათ წოდებები, 10, 15 და 20 წელი უმწიკვლო სამსახურისთვის სამკერდე ნიშნები და მადლობის სიგელები გადაეცათ" - აცხადებს სააგენტო.

დაჯილდოების ღონისძიება განსაკუთრებულ საგანგებო სიტუაციებზე რეაგირების სამმართველოში გაიმართა. თანამშრომლებს ჯილდოები საგანგებო სიტუაციების მართვის სააგენტოს დირექტორმა ზვიად ქაწაშვილმა გადასცა.