კალორიების მთვლელი აპლიკაცია ჯანსაღი კვების ჩვევების გამოსამუშავებლად საკმაოდ კარგი საშუალებაა. ასეთი აპლიკაციების დახმარებით, ყოველდღიურად მიღებული კალორიები მარტივად შეგიძლიათ აკონტროლოთ და დაგეგმოთ, რას და რამდენს მიირთმევთ. ამ სტატიაში გაგაცნობთ 5 უფასო აპლიკაციას, რომელიც ამ ყველაფერში დაგეხმარებათ:

1. Cronometer

Cronometer თავისი სიზუსტისა და გამჭვირვალობის გამო ერთ-ერთ ყველაზე სანდო აპლიკაციად ითვლება კალორიების დასათვლელად. უფასო ვერსია საშუალებას გაძლევთ, აღრიცხოთ მიღებული საჭმელი, თვალი ადევნოთ ყოველდღიური კალორიების რაოდენობას და პროდუქტების ფართო მონაცემთა ბაზით ისარგებლოთ.

Cronometer-ის მთავარი უპირატესობა ინფორმაციის ზედმეტი დეტალების გარეშე, მკაფიოდ მიწოდებაა. კალორიების დღიური ჯამი და საკვები ნივთიერებების დეტალური ჩამონათვალი მარტივად მოსაძიებელი და თანმიმდევრულია.

დადებითი მხარეები:

• მონაცემთა სიზუსტე;
• ხელმისაწვდომობა;
• დახვეწილი დიზაინი.

უარყოფითი მხარეები:

• რეგისტრაციის აუცილებლობა;
• დამწყებთათვის ტექნიკური სირთულე.

2. MyFitnessPal

MyFitnessPal-ს ხშირად იყენებენ ის ადამიანები, რომლებიც ჯანსაღი ჩვევების გამომუშავებას იწყებენ. მისი მთავარი უპირატესობა მრავალფუნქციურობაა: უფასო ვერსია მომხმარებელს წვდომას აძლევს საკვების უზარმაზარ მონაცემთა ბაზაზე, რომელიც მოიცავს სახლში მომზადებულ კერძებს, რესტორნის მენიუებსა და მზა პროდუქტებს. ეს კვების აღრიცხვის ყოველდღიურ პროცესს სწრაფსა და მოქნილს ხდის.

მიუხედავად იმისა, რომ არსებობს ფასიანი ფუნქციებიც, აპლიკაცია უფასოდაც სრულყოფილად და საკმაოდ სწრაფად მუშაობს.

დადებითი მხარეები:

• მრავალფეროვანი საკვების დიდი არჩევანი;
• სისწრაფე;
• დამწყებთათვის სიადვილე.

უარყოფითი მხარეები:

• ხშირი რეკლამები;
• ზოგიერთი მონაცემის სანახავად ფასიანი ვერსიის საჭიროება.

3. Lose It!

Lose It! სიმარტივესა და მოტივაციის შენარჩუნებაზეა ორიენტირებული. ის აქცენტს აკეთებს იმაზე, რომ კალორიების აღრიცხვის პროცესი მაქსიმალურად მარტივი იყოს.

უფასო ვერსიაში ხელმისაწვდომია კალორიების დღიური ლიმიტი, პროგრესის ვიზუალური მანიშნებლები და მარტივი დიზაინი, რომელშიც ადვილად გაერკვევით. მიუხედავად იმისა, რომ ფასიანი ფუნქციები აქაც არსებობს, აპლიკაციას უფასოდაც კარგად გამოიყენებთ.

დადებითი მხარეები:

• დამწყებთათვის სიმარტივე;
• ხელმისაწვდომობა;
• მოსახერხებლობა.

უარყოფითი მხარეები:

• ზოგიერთი ფუნქცია ხელმისაწვდომია მხოლოდ ფასიან ვერსიაში.

4. FatSecret

FatSecret სხვა აპლიკაციებისგან თავისი სიმარტივით გამოირჩევა. მისი ერთ-ერთი მთავარი მახასიათებელი ის არის, რომ მომხმარებელს შეუძლია კვების აღრიცხვა ყოველგვარი ვალდებულებების გარეშე დაიწყოს — ანგარიშის შექმნა არჩევითია, ხოლო ძირითადი ფუნქციები რეგისტრაციის გარეშეც ხელმისაწვდომია. ეს განსაკუთრებით გაუხარდებათ ისეთ მომხმარებლებს, რომლებსაც კალორიების თვლა პირადი მონაცემების გაზიარების გარეშე სურთ.

აპლიკაცია საკვების შესახებ დიდწილად მომხმარებელთა მიერ მიწოდებულ მონაცემებს ეყრდნობა. ის საშუალებას გაძლევთ, სწრაფად აღრიცხოთ პროდუქტების ფართო არჩევანი, რაც მოსახერხებელია ყოველდღიური და მრავალფეროვანი კვების დროს.

დადებითი მხარეები:

• ანგარიშის არჩევითი რეგისტრაცია;
• ხელმისაწვდომობა;
• სიმარტივე.

უარყოფითი მხარეები:

• მონაცემები შეიძლება 100%-ით ზუსტი არ იყოს;
• მოძველებული დიზაინი.

5. MyNetDiary

MyNetDiary იმ მომხმარებლებისთვისაა შექმნილი, რომლებსაც სტრუქტურა და ორგანიზებულობა მოსწონთ.

MyNetDiary მომხმარებელს სთავაზობს დღიური კალორიებისა და კვების ანალიზს, თუმცა მისი დიზაინი დაგეგმვის პროცესისთვისაც ხელსაყრელია. აპლიკაციით შეგიძლიათ მონაცემები დღის განმავლობაში, თანდათან შეავსოთ.

დადებითი მხარეები:

• მარტივი დიზაინი;
• ხელმისაწვდომობა.

უარყოფითი მხარეები:

• ზოგიერთი პარამეტრის გამოსაყენებლად საჭიროა ფასიანი ვერსია;