ფინანსური განათლების ხელშეწყობის მიზნით, საქართველოს ბანკი პარტნიორებთან ერთად ახალ პროექტ — ფინანსური განათლების სასერტიფიკატო კურსს იწყებს.

ინიციატივის ფარგლებში, პირველ შეხვედრას ეკონომისტი და ოპერაციების მკვლევარი, ლევან ფავლენიშვილი სტუდენტებთან გამართავს.

შეხვედრა 21 თებერვალს, 13:00 საათზე, სასტუმრო რუმსის საკონფერენციო სივრცეში ჩატარდება. დასწრების მსურველებმა უნდა გაიარონ რეგისტრაცია ბმულზე.

შეხვედრის ძირითადი თემები შეეხება ისეთ საკითხებს, როგორებიცაა: ბიუჯეტირება, ფულის ფსიქოლოგია, ხარჯვის ემოციური ფაქტორები, ანაბარი, განწყობის გავლენა დანაზოგებზე და სხვ.

ტრენინგის გავლის შემდეგ მონაწილეებს გადაეცემათ საქართველოს ბანკისა და პარტნიორების სერტიფიკატები.

ინფორმაციისთვის, ლევან ფავლენიშვილი ეკონომისტი და ოპერაციების მკვლევარია, რომელსაც მიღებული აქვს ISET-ის მაგისტრის ხარისხი ეკონომიკაში. ის ასევე არის ედინბურგის უნივერსიტეტის, მათემატიკის სკოლის მეცნიერებათა მაგისტრი ოპერაციების კვლევაში.

ლევან ფავლენიშვილი 2014 წლიდან არაერთ საგანს ასწავლის სხვადასხვა უნივერსიტეტში: ეკონომიკის პრინციპებს, საერთაშორისო ეკონომიკას, საერთაშორისო ფინანსებს, გარემოსა და ბუნებრივი რესურსების ეკონომიკას, ეკონომეტრიკასა და ხარჯთ-სარგებლიანობის ანალიზი.

2021 წელს ლევან ფავლენიშვილმა კოლეგებთან ერთად დააარსა საქართველოს ეკონომიკური წიგნიერების ინიციატივა (GELi), რომელსაც ის ხელმძღვანელობდა 2024 წლამდე, მის ფარგლებში საქართველოში ეკონომიკური და ფინანსური წიგნიერების გავრცელებისთვის არაერთი პროექტი შეუსრულებია.

ამასთან, 2026 წელს ფინანსური წიგნიერების სასერტიფიკატო კურსები მოოიაზრებს, შეხვედრების გამართვას სამ განსხვავებულ ჯგუფთან: სტუდენტებთან, მასწავლებლებთან და სკოლის მოსწავლეების მშობლებთან. თითოეული კურსი მორგებული იქნება ინდივიდუალური ჯგუფის ინტერესებსა და საჭიროებებზე. შეხვედრები ჩატარდება როგორც ფიზიკურ, ისე ონლაინ ფორმატში და მათ მაღალკვალიფიციური ლექტორები გაუძღვებიან.

გაეცანით საქართველოს ბანკის მიერ შექმნილ საგანმანათლებლო პროექტებს ვებგვერდზე.