თუ აქამდეც ბევრჯერ გიფიქრია ვეფხისტყაოსნის ეკრანიზაციაზე და ჰოლივუდის მსახიობებს სხვადასხვა პერსონაჟის როლში წარმოიდგენდი, ხელოვნური ინტელექტის დახმარებით ეს ყველაფერი რეალობად იქცა. ციფრულმა მარკეტერმა, გიგი კურტანიძემ, სოციალურ ქსელში ვეფხისტყაოსნის ტრეილერი შემოგვთავაზა, მთავარი როლები კი ასე გადანაწილდა:

ჰენრი კავილი — ტარიელი;
პედრო პასკალი — ავთანდილი;
ზენდეია — ნესტანი;
ნატალი პორტმანი — თინათინი;
მაიკლ ბ. ჯორდანი — ფრიდონი;
ენტონი ჰოპკინსი — მეფე როსტევანი;
მადს მიკელსენი — მეფე ფარსადანი;
სიდნი სუინი — ფატმანი.

"ბავშვობიდან ვოცნებობდი, რომ ვეფხისტყაოსანზე ფილმი გადაეღოთ. დღეს კი ხელოვნურ ინტელექტთან ერთად ეს ოცნება ვიზუალურად გავაცოცხლე და თქვენც გიზიარებთ. ყოველთვის ვფიქრობდი, რომ რუსთაველის გენიას მხოლოდ მაღალბიუჯეტური, ჰოლივუდური მასშტაბები თუ გაუტოლდებოდა. ეს არ არის მხოლოდ პოემა, ეს არის სამყარო, რომელიც თავისი ფილოსოფიითა და ვიზუალით ნებისმიერ თანამედროვე ბლოკბასტერს უსწრებს", — წერს გიგი კურტანიძე ფეისბუქზე.

ვეფხისტყაოსნის ტრეილერი კი ასეთია: