ოცნების დანიშნულმა პრეზიდენტმა, მიხეილ ყაველაშვილმა სამთავრობო ტელეკომპანია "იმედის" მიერ ქართული ფეხბურთის შესახებ მომზადებულ ფილმში განაცხადა, რომ საქართველოს ეროვნული ნაკრების ევროპის ჩემპიონატზე გასვლით "ეიფორიაში იყო როგორც რიგითი გულშემატკივარი და მერე მთელი ღამე შვილებთან ერთად ავტომობილით მოძრაობდა".

"ეს არის ენით აღუწერელი ემოცია, ეს ხომ ვიცი როგორც ფეხბურთელმა რამხელა ძალა აქვს ფეხბურთს, რომ ეს ყოველთვის შეუძლია. ჩემს კოლეგებთან ყოველთვის ამაზე მქონდა საუბარი, რომ ვერც დაგეგმავ ასეთ რამეს, იმხელა ძალა აქვს ფეხბურთში განცდილ სიხარულს. ამდენი ბედნიერი ადამიანი რა სფერომ და პროფესიამ შეიძლება გააერთიანოს და ასეთი დიდი სიხარული მიანიჭოს დღევანდელ ეპოქაში სახელმწიფოებს, ერს და მოქალაქეებს?! ამ ემოციაში და ეიფორიაში ვიყავი, როგორც რიგითი გულშემატკივარი სტადიონზე თავისთავად და მერე მთელი ღამე ჩემს შვილებთან ერთად არ გავჩერებულვარ, ავტომობილით ვმოძრაობდი", — განაცხადა მიხეილ ყაველაშვილმა.