Gorillaz-ი კიდევ ერთ მსოფლიო მოგზაურობას იწყებს "დამასკოში", ანიმაციური ჯგუფის ახალ სინგლში იასინ ბეისთან (ყოფილი Mos Def) და ცნობილ სირიელ მომღერალ ომარ სულეიმანთან ერთად.

დამასკო თავბრუდამხვევად იწყება ზარმაცი, ატმოსფერული შესავლით, მაგრამ ტემპი სწრაფად მატულობს დრამების გუგუნითა და ენერგიული სინთეზატორებით. ბეი წამყვანი ვოკალის როლს ასრულებს და სწრაფი ტემპით მღერის სტრიქონებს: "აქ ვარ, რომ სიბნელეში ტალღებზე ვიაროთ, რუკის გარეშე/ვარსკვლავები ცაში და ნიავი ზურგზე", ხოლო სულეიმანი თავის ლექსებს საყვარელი ადამიანისადმი მიძღვნილი რელიგიური ტემპებით ასრულებს ("არა, ჩემო პირველო სიყვარულო/მტვერი რომ ყოფილიყავი, არ გადაგაბიჯებდი", — მღერის ერთ-ერთ სტრიქონში, თარგმნილია არაბულიდან).

დამასკო მეოთხე სიმღერაა, რომელიც გორილაზმა მომავალი ალბომიდან The Mountain გაავრცელა. ადრე გამოშვებულ სიმღერებუა: The Happy Dictator, Sparks-თან ერთად, The God of Lying, Idles-თან ერთად და The Manifesto, Trueno-სთან და Proof-თან ერთად.

მიუხედავად იმისა, რომ გორილაზი ცნობილია სხვა შემსრულებლებთან თანამშრომლობით, ახალი ალბომის ყველა სიმღერაში, დეიმონ ალბარნის ხელმძღვანელობით შექმნილი ჯგუფი სულ მცირე ერთ სხვა მუსიკოსთან (და ხშირად რამდენიმესთან) ერთად იმუშავებს. მაგალითად, ჯერ კიდევ გამოუქვეყნებელ Orange County-ში მონაწილეობენ DJ Bizarrap, მომღერალი და სიმღერების ავტორი კარა ჯექსონი და სიტარის ვარსკვლავი ანუშკა შანკარი. სხვა შემსრულებლებს შორის იქნებიან Roots-ის Black Thought, ჯონი მარი, Clash-ის ყოფილი ბასისტი პოლ სიმონონი, ასევე ცნობილი ინდოელი მუსიკოსები, როგორებიც არიან ფლეიტისტი აჯაი პრასანა და საროდის შემსრულებელი ამაან ალი ბანგაში. ასევე წარმოდგენილი იქნება რამდენიმე სიკვდილის შემდგომი ნამუშევარი იმ არტისტებისგან, რომლებთანაც გორილაზმა წარსულში იმუშავა, მათ შორის ბობი ვომაკი, The Fall-ის მარკ ე. სმიტი, ლეგენდარული დრამერი ტონი ალენი და მსახიობი დენის ჰოპერი.

გორილაზი The Mountain-ს 2026 წლის 27 თებერვალს გამოუშვებს. ალბომის გამოსვლის აღსანიშნად, ჯგუფი 22 და 26 თებერვალს ლოს-ანჯელესში ორ კონცერტს გამართავს, სანამ მარტში დიდ ბრიტანეთსა და ევროპაში ტურნეს დაიწყებს, რომლის თარიღებიც აგვისტომდეა დაგეგმილი.