შინაგან საქმეთა სამინისტროს ინფორმაციით, დანაშაულის პრევენციისა და საზოგადოებრივი წესრიგის დაცვის მიზნით, საქართველოს მასშტაბით 16-18 ივნისს სპეციალური საპოლიციო კონტროლი განახორციელა, რა დროსაც სისხლის სამართლის 182 დანაშაული გამოვლინდა, მათ შორის:

ცეცხლსასროლი იარაღის მართლსაწინააღმდეგო შეძენა-შენახვისა და ტარების 61 ფაქტი;

მკვლელობის მცდელობის 1 ფაქტი;

ნარკოტიკების უკანონო შეძენა, შენახვა, გასაღების 21 ფაქტი;

საქართველოში ნარკოტიკების უკანონოდ შემოტანის – 1 ფაქტი.

შსს-ს ცნობით, პოლიციამ დააკავა 1 ძებნილი პირი. ასევე, გაიხსნა ადრე ჩადენილი ყაჩაღობის, ძარცვის მცდელობის და საქართველოში ნარკოტიკების უკანონოდ შემოტანის თითო ფაქტი.

შინაგან საქმეთა სამინისტრო აცხადებს, რომ საპოლიციო კონტროლისას გამოვლენილ 1 450 დარღვევას შორის არის ნარკოტიკების უკანონო მოხმარების 49 ფაქტი, ასევე წვრილმანი ხულიგნობა, დაუმორჩილებლობა და ა.შ.

საპოლიციო კონტროლისას შსს-მ იარაღის გარდა, სხვადასხვა ადგილიდან ამოიღო 19 აბი ფსიქოტროპული მედიკამენტი; 7 აბი დიფენოქსილატი, 109 ძირი კანაფი, 7 შეკვრა მარიხუანა, 2 შეკვრა ჰეროინი, 1 შეკვრა სუბოტექსი, 1 შეკვრა ოპიუმი, 49 აბი ტრამადოლი, 50 აბი ფსევდოეფედრინი, 1 შეკვრა ყაყაჩოს თესლი.

საპოლიციო კონტროლის დროს, სამართალდამცველებმა ჩადენილი სისხლის სამართლის დანაშაულისთვის - 26, ხოლო ადმინისტრაციული სამართალდარღვევისთვის – 53 პირი დააკავეს.