კოკა-კოლა თუ შენი საყვარელი სასმელია, აუცილებლად გეცოდინება, რომ ჯადოსნური სურვილების ასრულება ყოველთვის შეგიძლია. თუმცა, ახლა სხვადასხვა პრიზის მოგება სულ ადვილია, კოკა-კოლას დალევა კი — უკვე ორმაგად სასიამოვნო. გაინტერესებს, როგორ?

Coca-Cola Rewards Georgia არის საგანგებოდ კოკა-კოლას ერთგული მომხმარებლებისთვის შექმნილი აპლიკაცია, სადაც ბევრი ჯადოსნური საჩუქარი გელოდება. აპლიკაცია საშუალებას გაძლევს, დააგროვო და მოგვიანებით გადაცვალო ქულები, ჩაერთო სახალისო შეჯიბრებებში, მონაწილეობა მიიღო გათამაშებებში და მოიგო პრიზები! აპლიკაციას უკვე ნახევარ მილიონზე მეტი მომხმარებელი ჰყავს და თუ მათგან ერთ-ერთი შენ ჯერ კიდევ არ ხარ, ქვემოთ მოგიყვებით, რატომ უნდა გადმოწერო ახლავე.

როგორ უნდა ისარგებლო აპლიკაციით

ფოტო: კოკა-კოლა

აპლიკაციის სმარტფონში გადმოწერის შემდეგ, მარტივად გაივლი რეგისტრაციას მობილური ტელეფონის ნომრით. მერე უკვე შეძლებ, დაიწყო ქულების დაგროვება. ქულებს კი აგროვებ კოკა-კოლას ყვითელი თავსახურებით: ყოველი ასეთი ბოთლის თავსახურზე გამოსახულია 10-ნიშნა კოდი, რომლის აპლიკაციაში შეყვანის შემდეგ ქულებით დასაჩუქრდები.

ქულების გარკვეული რაოდენობის მოგროვების შემდეგ, შეგიძლია ისინი გადაცვალო კოკა-კოლას პარტნიორი ბრენდების სხვადასხვა შეთავაზებაში, იქნება ეს ვაუჩერი, კინოს ბილეთი თუ სხვა. აპლიკაციის მომხმარებლებმა ასე უკვე 50 ათასზე მეტი შეთავაზებით ისარგებლეს!

სახალისო თამაშები და პრიზები

ქულების დაგროვებასთან ერთად, კოკა-კოლას აპლიკაციაში სახალისო შეჯიბრებები დაგხვდება. თამაშებში მონაწილეობით ასევე ქულებს აგროვებ, დაგროვებული ქულებით კი შეგიძლია ლიდერბორდში ჯადოსნური პრიზების მოსაპოვებლად იასპარეზო. რეიტინგის ტოპ პოზიციებზე გასული მონაწილეები ისეთი პრიზებით დასაჩუქრებულან, როგორებიცაა iPhone, კონცერტის ბილეთი და ვაუჩერი.

1-ელი დეკემბრიდან კი აპლიკაციაში სამი ახალი, საახალწლო თამაში დაგხვდება. ალბათ უკვე იცი, რომ კოკა-კოლას დიდი საახალწლო გათამაშებაც დაიწყო. სადღესასწაულო პერიოდში, 1-ელი დეკემბრიდან 11 იანვრის ჩათვლით, ყოველი ყვითელი თავსახურის 10-ნიშნა კოდი გათამაშების ერთ ბილეთსაც მოგიტანს. გათამაშების ფინალი 14 იანვარს შედგება, სადაც ისეთი საოცარი პრიზები შეიძლება მოიგო, როგორებიცაა iPhone 17 Pro Max, 5000-ლარიანი სამოგზაურო ვაუჩერი და, არც მეტი, არც ნაკლები, MINI Cooper!

რაც შეეხება საახალწლო თამაშებს აპლიკაციაში:

  • Christmas Tree: ამ თამაშში სანტას დამხმარე გახდები და მოგიწევს, მის მიერ მოჭრილი ხის ტოტები სწრაფად დაიჭირო;
  • Catch It: შენს სისხარტეს გამოცდის ეს თამაშიც, სადაც უკვე საახალწლო ხურჯინში მოგიწევს საჩუქრების შეგროვება. ცხადია, საჩუქრების გარდა იქ სხვა არაფერი უნდა მოხვდეს!
  • Run: ეს თამაში კლასიკური სარბენი ბილიკი გახლავს, სადაც წინაღობებს უნდა გადაახტე და გზად დამატებითი ქულების მომტანი საჩუქრები დააგროვო.

საახალწლო თამაშებშიც ლიდერბორდები შედგება და ყველაზე წარმატებული მონაწილეები დასაჩუქრდებიან. ყოველი კვირის ბოლოს, გამოვლინდებიან რეიტინგის საუკეთესო მოთამაშეები, რომლებიც მიიღებენ სითი მოლის 1 000, 500 და 200 ლარის ღირებულების ვაუჩერებს.

ყვითელი თავსახურის 10-ნიშნა კოდები ამ თამაშებშიც ძალიან გამოგადგება: თითოეული მათგანით დამატებით 5 "სიცოცხლეს" მიიღებ. ცხადია, ეს კოდი გათამაშების ბილეთადაც ჩაგეთვლება.

ასე რომ, ნამდვილი დღესასწაული დაიწყო და ამ ამბავს არ უნდა გამოაკლდე: თუ ჯერ კიდევ არ გაქვს სმარტფონში კოკა-კოლას აპლიკაცია, ახლავე გადმოწერე Android-ისთვის ან iOS-ისთვის და აიხდინე ჯადოსნური სურვილები!