ევროკავშირთან მოლაპარაკებების პროცესის შეჩერებიდან ერთი წლის თავზე, თბილისის მერი კახა კალაძე ამბობს, რომ "ბოლო ერთი წლის განმავლობაში ქვეყანა კიდევ უფრო მეტად გაძლიერდა და ოცნების ხელისუფლებამ "დაანახა მსოფლიოს, რომ თითის დაქნევით არ უნდა ელაპარაკოს ქართულ სახელმწიფოს".

"მოლაპარაკებების თემა მანამდე იყო შეჩერებული, ვიდრე ირაკლი კობახიძე გააკეთებდა აღნიშნულ განცხადებას. ბოლო ერთი წლის განმავლობაში ქვეყანა კიდევ უფრო მეტად გაძლიერდა. დავანახეთ მსოფლიოს, რომ თითის დაქნევით არ უნდა ელაპარაკოს ქართულ სახელმწიფოს. ჩვენ ვართ დამოუკიდებელი, სუვერენული სახელმწიფო, რომელიც ჩვენმა წინა თაობებმა ბრძოლით, სისხლით მოიპოვეს.

[...] კიდევ ერთხელ ვიმეორებთ, ჩვენ გვაქვს კომუნიკაცია ქართველ ხალხთან. ყველაზე მთავარი და მნიშვნელოვანია რის ეს. გაითავისეთ ის, რომ ქართველი ხალხი არის ყველაზე მთავარი. რაც შეეხება ევროინტეგრაციის გზას, პირდაპირ გამოვედით და ვთქვით, ახლაც ვიმეორებთ - ისე არ გამოვიდეს ახლა 30 წელია ნატოში მიგიღებთ, მიგიღებთო და სად ვართ თვითონაც არ იციან. [...] რა პირობებზე მეუბნებით, ნახეთ რა უქნეს უკრაინას. მტერს არ ვუსურვებ იმას, რა მდგომარეობაშიც დღეს უკრაინა იმყოფება", — თქვა კახა კალაძემ ტვ პირველის ჟურნალისტთან საუბრისას.