დღეს, 24 ნოემბერს, 12:00 საათზე სააპელაციო სასამართლოში სინდისის 8 პატიმრის — ნიკოლოზ ჯავახიშვილის, თორნიკე გოშაძის, ირაკლი მიმინოშვილის, ზვიად ცეცხლაძის, ვეფხვია კასრაძის, ვასილ კაძელაშვილის, გიორგი გორგაძის და ინსაფ ალიევის — სააპელაციო პროცესი გაიმართება.

მათი განაჩენი 2 სექტემბერს თბილისის საქალაქო სასამართლოს მოსამართლემ თამარ მჭედლიშვილმა გამოაცხადა. მან 225-ე მუხლის პირველი და მეორე ნაწილების ბრალდება 226-ე მუხლზე გადააკვალიფიცირა, რაც გულისხმობს ჯგუფური მოქმედების ორგანიზებას, რომელიც არღვევს საზოგადოებრივ წესრიგს ან მასში აქტიური მონაწილეობას.

თამარ მჭედლიშვილის გადაწყვეტილებით: ირაკლი მიმინოშვილს 2 წელი მიესაჯა. ნიკოლოზ ჯავახიშვილს ასევე 2 წელი, 2-წლიანი პატიმრობა მიესაჯა გიორგი გორგაძეს, თორნიკე გოშაძესა და ინსაფ ალიევს. ვეფხია კასრაძეს, ვასილ კაძელაშვილსა და ზვიად ცეცხლაძეს კი 2 წლითა და 6 თვით მიესაჯათ პატიმრობა.