ჰიდრატაცია უმნიშვნელოვანესია ჩვენი ჯანმრთელობისთვის — აუმჯობესებს კანის მდგომარეობას, საჭმლის გადამუშავებას, კოგნიტურ ფუნქციებს, ენერგიის დონესა და ძილის ხარისხს. მიუხედავად ამისა, ადამიანების უმრავლესობა მაინც ვერ ახერხებს დღის განმავლობაში საკმარისი რაოდენობის წყლის მიღებას.

პრობლემა, სამწუხაროდ, ინფორმაციის დეფიციტში არ არის. ჩვენ ყველამ კარგად ვიცით, რამდენად მნიშვნელოვანია წყლის საჭირო რაოდენობის მიღება. საქმე ეხება არა ცოდნას, არამედ ჩვევის არარსებობას.

თუ თქვენც საკუთარი თავის იძულება გჭირდებათ წყლის დასალევად, 5 მარტივ ხრიკს გასწავლით, როგორ აქციოთ ეს პროცესი ჩვევად.

1. გემოს დამატება დატკბობის გარეშე

თუ არომატიზებულ სასმელს ანიჭებთ უპირატესობას, წყლისთვის გემოს ბუნებრივი და ჯანსაღი საშუალებით შეცვლა, კარგი გამოსავალია.

აქვე, რამდენიმე კომბინაციას გაგიზიარებთ:

  • პიტნა და კიტრი — გრილი გემოსთვის
  • ჯინჯერი და ლიმონი — მატონიზირებელი, ციტრუსოვანი არომატისთვის
  • მარწყვი და ბაზილიკი — ოდნავ ტკბილი, დელიკატური გემოსთვის.

2. გქონდეთ ყოველთვის თვალთახედვის არეალში

ჩვევების გაჩენას ტრიგერები სჭირდება. თუ წყალი ყოველთვის თქვენი მხედველობის არეალშია, გონება აუცილებლად შეგახსენებთ მის დალევას.

  • მოაწყვე შენი გარემო შესაბამისად:
  • ყოველთვის გედგას წყლის ბოთლი სამუშაო მაგიდაზე.
  • თან იქონიეთ მანქანაში;
  • საწოლთან ახლოს, გამოღვიძებისთანავე რომ დალიოთ;
  • ზურგჩანთაში, თან სატარებლად.

ფოტო: Giphy

3. დაუკავშირეთ წყლის სმა სხვა რუტინას

პრინციპი მარტივია — თუ წყლის სმას უკვე გამჯდარ ჩვევას დაამატებთ, მისთვის ნაკლები ძალისხმევა დაგჭირდებათ.

მაგალითად:

  • დილის ყავის დალევამდე, აუცილებლად მიიღეთ ერთი ჭიქა წყალი.
  • დალიეთ წყალი სამუშაოს დაწყებამდე და შესვენებებისას.
  • მიიღეთ სითხე საკვების მიღებამდე რამდენიმე წუთით ადრე.

4. მარტივად დათვალეთ

დღის განმავლობაში მიღებული წყლის რაოდენობის ყლუპებით ან ჭიქებით თვლა, შეიძლება, დამღლელი და მოსაბეზრებელი იყოს. უკეთესია, უფრო მარტივი და ვიზუალური მეთოდი გამოიყენოთ.

ფოტო: Giphy

წინასწარ შეავსეთ ის კონტეინერი, რომელიც ზუსტად იტევს თქვენთვის საჭირო რაოდენობის სითხეს. მისი გამოცლა ნიშანი იქნება, რომ საკმარი ოდენობის წყალი მიიღეთ.

5. დღის პირველ ნახევარში უკეთესია

ორგანიზმის დეჰიდრატაცია ძირითადად ძილის შემდეგ, დღის პირველ ნახევარში ხდება. მოარგეთ თქვენი ქცევა ორგანიზმის საჭიროებებს:

თუ წყლის სასურველი რაოდენობის დიდ ნაწილს შუადღემდე მიიღებთ, საღამოს ნაკლები ძალისხმევის დახარჯვა მოგიწევთ. ხოლო ძილის წინ, სითხის შემცირებული მიღება, დასვენებას გაგიმარტივებთ — თავიდან აიცილებთ საპირფარეშოში უდროო ვიზიტებს.

მენტალურ ძალისხმევაზე მეტად,საკუთარ თავს რომ სითხის მიღება დააძალოთ, უკეთესი ამ პროცესის ჩვევად ქცევაა.