"ჩვენ ვცდილობთ სანქციების დაწესებას მთავრობის იმ წარმომადგენლების მიმართ, ვინც ძალადობას მიმართავს მშვიდობიანი მომიტინგეების წინააღმდეგ საქართველოში", — ამის შესახებ, ევროკომისიის ანგარიშის წარდგენის შემდეგ, საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა განაცხადა.

მისი თქმით, ამ საკითხისადმი ევროკავშირის ყველა წევრი სახელმწიფოს მხარდაჭერა არ აქვთ, თუმცა მუშაობას აგრძელებენ.

"ჩვენ ასევე ვცდილობთ სანქციების დაწესებას მთავრობის იმ წარმომადგენლების მიმართ, ვინც ძალადობას მიმართავს მშვიდობიანი მომიტინგეების წინააღმდეგ საქართველოში. ჯერჯერობით, ყველა წევრი სახელმწიფოს მხარდაჭერა არ გვაქვს, მაგრამ ჩვენ ვაგრძელებთ მუშაობას ამ საკითხების გადაჭრის სხვადასხვა გზების საპოვნელად", — თქვა კაია კალასმა.