გია ვოლსკი: მადლობა ღმერთს, მთელი ხელისუფლება კორუმპირებული არ არის

31 Oct. 2025, 16:20

"მადლობა ღმერთს, მთელი ხელისუფლება კორუმპირებული არ არის, ვერ იქნება და მადლობა ღმერთს, რომ არსებობს ის რესურსი, რომ არავის არაფერი შეარჩინო, მათ შორის, არც ხელისუფლების ყოფილ წარმომადგენლებს. ღმერთმა ნუ ქნას, ვინმემ დაუშვას კიდევ ასეთი გადაცდომა, მაგრამ ჯერჯერობით გამოძიებას უნდა ვაცადოთ ზუსტი დასკვნები გააკეთოს, მტკიცებულებათა ერთობლიობა წარმოადგინოს სასამართლოში, ამის შემდეგ შეგვიძლია ვიმსჯელოთ კონკრეტულ საკითხებთან დაკავშირებით. რაც უკვე განხილულია, ამაზე ზომები მიღებულია. დამტკიცებულია, რომ გარკვეული თანხები იყო უკანონოდ მითვისებული, დამტკიცებულია თანამდებობასთან შეუფერებელი საქციელი და ესე მოხდება ნებისმიერ შემთხვევაში, არა მარტო საქართველოში, არამედ ნებისმიერ ქვეყანაში, სადაც სახელმწიფო ზრუნავს იმაზე, რომ კორუფციამ ფრთები არ გაშალოს.

არ ექნება არანაირი შენდობა არც ერთ ადამიანს, რაც არ უნდა უშველებელი სიკეთე გააკეთოს ქვეყნისთვის, თუკი გადასცდება იმ წითელ ხაზს, რომელიც გავლებულია. ამასთან დაკავშირებით ჩვენ კარგად მოვისმინეთ, რა თქვა ბიძინა ივანიშვილმა. როგორც ჩანს, მისი პოლიტიკაში დაბრუნების ეს ეტაპი განპირობებული იყო იმით, რომ ასეთი ნიშნები შეიმჩნეოდა. სამწუხაროდ, ზოგიერთი ნიშანი არა მარტო შეიმჩნევა, არამედ დადასტურდა კიდეც. რა მოხდება საბოლოო ჯამში, რა დასკვნებს დადება გამოძიება, ამას ყველა ერთად მივადევნებთ თვალ-ყურს", — ამის შესახებ ოცნების პარლამენტის ვიცესპიკერმა, გია ვოლსკიმ ჟურნალისტებთან განაცხადა (კომენტარს IPN ავრცელებს).

ბოლო ამბები:

გია ვოლსკი გია ვოლსკი: მადლობა ღმერთს, მთელი ხელისუფლება კორუმპირებული არ არის

კომენტარები

კვირის ტოპ-5

გირჩევთ

ახლა კითხულობენ

ზელენსკი 40-ზე მეტ ქვეყანას, მათ შორის საქართველოს, დამოუკიდებლობის დღის მილოცვისთვის მადლობას უხდის