"აშშ-სთან ურთიერთობის გადატვირთვაზე სამუშაო დონეზე მუშაობა მიმდინარეობს თუმცა პოლიტიკური ველი ცარიელია", — ამის შესახებ სამთავრობო ტელეკომპანია "იმედის" ეთერში "ოცნების" ხელისუფლების საგარეო საქმეთა მინისტრმა მაკა ბოჭორიშვილმა აშშ-სთან ურთიერთობაზე საუბრისას თქვა. მისი თქმით, "აშშ-ში არავის აწყობს, რომ საქართველო-აშშ-ის ურთიერთობებში საფუძველი შეიქმნას "მეგობარი აქტის" ტიპის დოკუმენტებით".

"აშშ-სთან ურთიერთობის გადატვირთვაზე სამუშაო დონეზე მუშაობა მიმდინარეობს თუმცა პოლიტიკური ველი ცარიელია, როდესაც ჩვენ ვსაუბრობთ გზავნილებზე აშშ-დან, რასაც მოველით, რომ საქართველოსთან ურთიერთობებში გარკვეული ჩარჩო უნდა განსაზღვროს. თუმცა, ჩვენ შეგვიძლია დავაკვირდეთ იმ განვითარებებს, რაც ხდება ამერიკის საკანონმდებლო ორგანოში საქართველოსთან დაკავშირებით იგივე "მეგობარ აქტთან" დაკავშირებით როგორ განვითარდა პროცესები და ვივარაუდოთ, რომ იქაც არავის აწყობს, ამ პროპაგანდის — რომ საქართველო ჩამოშორდეს ამ ვექტორს და საქართველო-აშშ-ის ურთიერთობებში საფუძველი შეიქმნას "მეგობარი აქტის" ტიპის დოკუმენტებით", — განაცხადა სამთავრობო ტელეკომპანია "იმედის" ეთერში "ოცნების" ხელისუფლების საგარეო საქმეთა მინისტრმა მაკა ბოჭორიშვილმა აშშ-სთან ურთიერთობაზე საუბრისას.