მეამამ გადაწყვიტა, განსაკუთრებული სიურპრიზი შესთავაზოს თავის ერთგულ მომხმარებლებს და მათაც, ვინც ახლა გადაწყვიტეს მისი პროდუქტების დაგემოვნება. 10 ოქტომბრიდან ბრენდი იწყებს გრანდიოზულ კამპანია — მეამას დიდ გათამაშებას, რომელიც 9 თვე გაგრძელდება და მომხმარებლებს მისცემს შანსს, მოიგონა, როგორც სოლიდური ფულადი პრიზები, ისე განსაკუთრებული ნივთები და ავტომობილებიც კი.

მაშ ასე, გაიგეთ ყველაფერი გათამაშების შესახებ, მოემზადეთ მონაწილეობის მისაღებად და საუკეთესო პრიზების მოსაგებად.

როგორ მიიღებთ ბილეთებს?

გათამაშებაში მონაწილეობა ძალიან მარტივია, ამისთვის საკმარისია, შეიძინოთ მეამას პროდუქტები. თითოეული პროდუქტი გარკვეული რაოდენობის ბილეთს უდრის:

• რეგისტრაცია და ვერიფიკაცია = 10 ბილეთი
• 1 კაფსული = 1 ბილეთი
• სასმელი MEAMA ქოლექთიდან = 2 ბილეთი
• აქსესუარი = 5 ბილეთი
• ესპრესოს კოლოფი = 10 ბილეთი
• ნალექიანი ყავა = 5 ბილეთი
• მულტიკაფსულის კოლოფი = 12 ბილეთი
• ესპრესოს/მულტიკაფსულის აპარატი = 50 ბილეთი
• ვერსეტაილის აპარატი = 100 ბილეთი

გარდა ამისა, თუ ჯერ არ გაქვთ მეამას ანგარიში გახსნილი, პირველადი რეგისტრაციისას 10 ბონუს ბილეთი გადმოგეცემათ. უკვე დარეგისტრირებული მომხმარებლებისთვის კი გათამაშებაში ჩასართავად მნიშვნელოვანია ვერიფიკაციის გავლა, რის შედეგადაც დაგერიცხებათ გათამაშების 10 ბილეთი. საყურადღებოა, რომ გათამაშებაში მონაწილეობისთვის აუცილებელია, ყველამ გაიაროს ვერიფიკაცია, იქნება ეს ახალი მომხმარებელი თუ ძველი.

ყოველ 20 ბილეთზე კი მიიღებთ 1 სუპერბილეთს, რითიც ავტომატურად ჩაერთვებით სუპერგათამაშებაში. სუპერგათამაშება კამპანიის დასკვნით ნაწილში გაიმართება და კიდევ უფრო საოცარი პრიზების მოგების შესაძლებლობას მოგცემთ.

როგორ წარიმართება გათამაშება?

გათამაშება ყოველთვიურად გაიმართება და ის პირდაპირ ეთერში გადაიცემა, როგორც ტელევიზიით, ისე მეამას სოციალური ქსელებით — Facebook-ით, Instagram-ითა და YouTube-ით. პირველი და მეორე ნაწილი მხოლოდ მიმდინარე გათამაშებას დაეთმობა, ხოლო ბოლო, დასკვნითი ნაწილი მოიცავს, როგორ მიმდინარე, ისე სუპერგათამაშებასაც.

ბილეთები ოფიციალური ბაზიდან დაიბეჭდება და მოთავსდება დოლურაში, საიდანაც შემთხვევითობის პრინციპით გამოვლინდება გამარჯვებული. მას შესაძლებლობა ექნება, პირდაპირ ეთერშივე აირჩიოს სტუდიაში განთავსებული 7 კაფსულის ყუთიდან ერთ-ერთი და მიიღოს მასზე მიმაგრებული პრიზი.

რის მოგება შეგიძლიათ?

"მეამას დიდი გათამაშება“ უდავოდ გამორჩეულია პრიზებით. მათ შორისაა 10 000, 5 000, 3 000 და 2 000 ლარის ოდენობის თანხა, ვერსეტაილის ნაკრები და, რაც მთავარია, ავტომობილები — Toyota Corolla, BMW M4, BMW M5 და ტესლა Cybertruck. გაითვალისწინეთ, თითოეულ გათამაშებაში გექნებათ შანსი, მოიგოთ, როგორც ფულადი პრიზები და ვერსეტაილის ნაკრები, ისე ავტომობილი.

“კამპანიაზე დიდხანს ვმუშაობდით, რადგან გვინდოდა, ეს რამდენიმე თვე თქვენთვის სიურპრიზებითა და მოულოდნელი სიხარულით აგვევსო. დარწმუნებული ვართ, გათამაშება უნიკალური გამოცდილება იქნება მომხმარებლებისთვისაც და ჩვენთვისაც, რადგან საშუალება მოგვეცემა, ერთმანეთს მძაფრი ემოციები გავუზიაროთ“, — ამბობენ მეამაში.

***

მეამა ინოვაციური ქართული კომპანიაა, რომელიც აერთიანებს თანამედროვე ტექნოლოგიებს, უმაღლესი ხარისხის სტანდარტებსა და მდგრადი განვითარების ხედვას. მისი მიზანია, მომხმარებელს შესთავაზოს განსაკუთრებული გამოცდილება მრავალფეროვანი სასმელებისა და ფუნქციური აპარატების საშუალებით.

მეამა ქმნის კაფსულირებულ ყავას, ჩაის, გამაჯანსაღებელ თუ საბავშვო სასმელებს ორ ფორმატში, რაც უზრუნველყოფს არჩევანის უსასრულო შესაძლებლობებს და აკმაყოფილებს ყველა გემოვნებას. კომპანია იყენებს საუკეთესო ინგრედიენტებსა და უახლეს ტექნოლოგიებს. ამასთანავე, მისი წარმოება ეფუძნება ხარისხის მკაცრ კონტროლს, რაც დადასტურებულია ისეთი საერთაშორისო სერტიფიკატებით, როგორებიცაა FSSC, ISO, Halal, Kosher და Bio.

აღსანიშნავია, რომ კომპანიის მიერ შექმნილი ინოვაციური აპარატი Meama Versatile, რომელიც თავსებადია ყველა ტიპის კაფსულთან, 2024 წელს RED DOT-ის გამარჯვებული გახდა.

კომპანია მუდმივად ავითარებს პროდუქციის ხაზს, აპარატურასა და სერვისებს, იმისთვის, რომ მომხმარებელს დღესვე შესთავაზოს მომავლის გამოცდილება.