საქართველოს მე-5 პრეზიდენტი აშშ-ს სახელმწიფო მდივნის ინიციატივით მოწყობილ ვახშამზე საქართველოს არ მიწვევას ეხმაურება და წერს, რომ "ოცნების ხელისუფლება "მიზანმიმართულად მუშაობს ქვეყნის იზოლაციის მისაღწევად და რუსეთის ინტერესების სასარგებლოდ".

ამას გარდა, სალომე ზურაბიშვილი საზოგადოებას მოუწოდებს, მივიდნენ 4 ოქტომბერს დაგეგმილ აქციაზე და დაიცვან ქვეყნის "ევროპული მომავალი და დამოუკიდებლობა".

"ალბანეთი, სომხეთი, მონტენეგრო… სხვათა შორის და იგნორირებულია საქართველო!

ერეკლე ხმლით იცავდა საქართველოს და მსოფლიოს გააცნო. ესენი მიზანმიმართულად მუშაობენ ქვეყნის იზოლაციის მისაღწევად და რუსეთის ინტერესების სასარგებლოდ ჩვენი მსოფლიო რუკიდან ამოსაშლელად და გვაბრუებენ, ვითომცდა, პატრიოტულ ლოზუნგებით და ძეგლების აღმართვით!

4 ოქტომბერს უნდა ყველამ დავიცვათ ჩვენი ევროპული მომავალი და დამოუკიდებლობა. კიდევ ერთხელ! რამდენჯერაც დაგვჭირდება! მეფე ერეკლემ ეს დაგვიტოვა ანდერძად!", — წერს სალომე ზურაბიშვილი.