ოკუპირებულ აფხაზეთის ხელისუფლება სირიის პორტებთან პირდაპირი საზღვაო კავშირების დამყარებას განიხილავს და მხარეები სატრანსპორტო და ლოგისტიკურ კავშირებს იკვლევენ. ამის შესახებ TASS-ს ოკუპირებული აფხაზეთის ეკონომიკის მინისტრმა, თეიმურაზ მიქვაბიამ განუცხადა.

"ჩვენ უკვე მოვაწერეთ ხელი რიგ ხელშეკრულებებს [სირიის არაბთა რესპუბლიკასთან] მთავრობისა და სააგენტოების დონეზე და ასევე ვმუშაობთ ჩვენს კოლეგებთან სატრანსპორტო და ლოგისტიკურ კავშირებზე. მომავალში, ჩვენ აუცილებლად დავაყენებთ საჰაერო კავშირების საკითხს, რადგან დამასკოში აეროპორტია. სირიის წარმოების ბაზა მათ სოფლის მეურნეობაში, ხორცის წარმოებაში, სხვადასხვა კულტურებსა და, ზოგადად, საქონლის შეძენის აუცილებლობაშია. მე მჯერა, რომ ჩვენსა და სირიის პორტებს შორის პირდაპირი საზღვაო კავშირების შესაძლებლობა შეიძლება სასარგებლო იყოს როგორც ჩვენთვის, ასევე სირიული მხარისთვის", — თქვა მინისტრმა.

მან აღნიშნა, რომ აფხაზეთის დელეგაციამ მონაწილეობა მიიღო დამასკოს 62-ე საერთაშორისო გამოფენაში. გამოფენის ფარგლებში სამუშაო შეხვედრები გაიმართა სირიის არაბთა რესპუბლიკის ეკონომიკისა და ვაჭრობის მინისტრთან, კულტურის მინისტრთან და ტურიზმის მინისტრთან.

სირიამ აფხაზეთის დამოუკიდებლობა აღიარა და მასთან დიპლომატიური ურთიერთობები 2018 წლის მაისში დაამყარა.