"ძალიან მადლიერი ვარ, რომ ჩემი "ქართული კოშმარის არაღიარების" შესწორება მიღებულ იქნა სახელმწიფო დეპარტამენტის ავტორიზაციის აქტში ჩართვის მიზნით!", — ამის შესახებ ამერიკელი კონგრესმენი ჯო უილსონი წერს.

მისი თქმით, "კომუნისტური ჩინეთის, ირანისა და რუსეთის მხარდაჭერის პარალელურად ამერიკის შეურაცხყოფა იზოლაციისკენ მიმავალი ცალმხრივი ბილეთია".

შესწორება აშშ-ს მთავრობასა და ოფიციალურ პირებს უკრძალავს "ქართული ოცნების" მთავრობის აღიარებას.

ჟურნალისტი ანა გავრიშილი წერს, რომ ? "ეს არის უმნიშვნელოვანესი სამართლებრივი დოკუმენტი, რომელსაც სენატი თითქმის ყოველწლიურად იღებს და რომელიც განსაზღვრავს, როგორ მუშაობს სახელმწიფო დეპარტამენტი და მასთან დაკავშირებული სააგენტოები, როგორ იხარჯება ფედერალური სახსრები და როგორ ფორმდება აშშ-ის საგარეო ურთიერთობები — მოკავშირეებთან, მტრებთან, საერთაშორისო ორგანიზაციებთან და ა.შ. ის ასევე შესაძლოა მოიცავდეს ისეთ სპეციფიკურ განსაზღვრებებსაც, რაც გვხვდება ქართული ოცნების არაღიარების შესწორებაში.

გარდა იმისა, რომ ამ გზით ერთი ასად იზრდება ამ კანონპროექტის სენატში გატანის შანსები (ერთადერთი საფრთხეა, რომ სენატში დებატებისას ამოიღონ), ასევე ძალიან მნიშვნელოვანია, რომ ამერიკის საგარეო კურსის განსაზღვრისთვის ასეთ მნიშვნელოვან დოკუმენტში არის თავი საქართველოს შესახებ", — წერს ანა გვარიშვილი.