ესექსში (ინგლისი) ორი მამაკაცი და ერთი ქალი რუსეთის სადაზვერვო სამსახურთან თანამშრომლობის საფუძველზე დააკავეს. ამის შესახებ ინფორმაციას Sky News ავრცელებს.

ლონდონის მეტროპოლიტენის პოლიციის ცნობით, მათი დაკავება ანტიტერორისტული გამოძიების ფარგლებში მოხდა. 41 წლის მამაკაცი და 35 წლის ქალი გრეისში ერთ მისამართზე დააკავეს, 46 წლის მამაკაცი — სხვა მისამართზე.

მეტროპოლიტენის პოლიციის განცხადებით, ეჭვმიტანილები ლონდონის პოლიციის განყოფილებაში გადაიყვანეს და ეროვნული უსაფრთხოების აქტის საფუძველზე დააკავეს. სამივე პირი ამჟამად პირობითი გირაოს საფუძველზეა გათავისუფლებული, გამოძიება გრძელდება.

მეტროპოლიტენის ანტიტერორისტული განყოფილების ხელმძღვანელმა, დომინიკ მერფიმ, განაცხადა, რომ პოლიცია სულ უფრო მეტ ასეთ შემთხვევას აწყდება, როდესაც ე.წ "პროქსები" (შუამავლები) უცხოური სადაზვერვო სამსახურების მიერ მოქმედებე.