საქართველომ საბოლოოდ გადაიხადა შვიდი ქვეყნის, მათ შორის რუსეთის, ასევე კავკასიაში მყოფი სხვა მეზობლების, სომხეთისა და აზერბაიჯანის წინაშე არსებული დიდი ხნის ვალი. რუსეთის სახელმწიფო მედიასაშუალება TASS-მა ოთხშაბათს გაავრცელა ინფორმაცია, რომ საქართველოს ფინანსთა სამინისტროს მონაცემებით, ქვეყანამ რუსეთის წინაშე დარჩენილი 3.9 მილიონი დოლარი დაფარა.

რუსეთის წინაშე საქართველოს ვალის შესახებ მონაცემები საჯაროდ 2003 წლიდანაა ხელმისაწვდომი — იმ დროს საქართველოს სახელმწიფო ვალი 1.5 მილიარდი დოლარი ჰქონდა, საიდანაც 157 მილიონი დოლარი რუსეთის წინაშე იყო.

საქართველოს სახელმწიფო ვალი შუალედურ წლებში გაიზარდა და აგვისტოს მონაცემებით, 9 მილიარდ დოლარამდე შეადგინა. თუმცა, შეიცვალა მევალეები და ამჟამად საფრანგეთი 851 მილიონი დოლარით პირველ ადგილს იკავებს.

რუსეთის გარდა, საქართველომ ასევე დაფარა დარჩენილი ვალები სომხეთის, აზერბაიჯანის, თურქეთის, ნიდერლანდების, ყაზახეთისა და ირანის მიმართ.

აზერბაიჯანის სახელმწიფო მედიასაშუალების, APA-ს ცნობით, სომხეთისა და აზერბაიჯანის წინაშე დარჩენილი დავალიანება დაახლოებით 1 მილიონ დოლარს შეადგენდა.

ქართული ბიზნემედია "კომერსანტის" ცნობით, ვალები ქვეყნის დამოუკიდებლობის მოპოვების შემდგომ საწყის წლებში წარმოიშვა. მათი რესტრუქტურიზაცია 2004 წელს განხორციელდა, ხოლო დაფარვა 2011 წელს დაიწყო.

რუსეთის მიმართ ვალების სრულად დაფარვამ, ქვეყნის მიმართ, რომელთანაც საქართველოს ოფიციალური დიპლომატიური ურთიერთობები ჯერ კიდევ არ აქვს, ქვეყანაში დავა გამოიწვია.

"მაშინ როდესაც ევროპა და [აშშ] რუსულ აქტივებს ყინავენ, ჩვენ მათ ვალს ვუხდით?", — დაწერა ჟურნალისტმა ანა გვარიშვილმა სოციალურ ქსელ X-ზე.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.