ჟინი განათლების გზაზე არ გაჩერებაა. ის არის ძალა, რომელიც გეხმარება მაქსიმალურად გამოავლინო პოტენციალი და აღმოაჩინო განათლების შესაძლებლობები.

მოსწავლეებისთვის, სტუდენტებისთვის, ახალგაზრდა პროფესიონალებისა და მასწავლებლებისთვის საქართველოს ბანკი ახალი შესაძლებლობების შექმნას განაგრძობს. სწორედ ამიტომ, 40-ზე მეტ საგანმანათლებლო პროექტს ახორციელებს, რითიც 500 000-ზე მეტი ახალგაზრდისთვის ქმნის განათლების შესაძლებლობას. ყოველივე ამის შესახებ ინფორმაცია ხელმისაწვდომია ვებგვერდზე.

განათლების შესაძლებლობები მოსწავლეებისთვის:

საქართველოს ბანკი და კომაროვის STEM სკოლა ახალგაზრდებში მომავლის პროფესიების პოპულარიზაციის მიზნით, STEM სკოლის პროექტს ახორციელებენ, რომლის ფარგლებშიც VII-XI კლასის მოსწავლეებს ეძლევათ შესაძლებლობა:

• გაიარონ 1წლიანი სასწავლო კურსი ონლაინ;
• დაეუფლონ მომავლის პროფესიებს;
• მიიღონ სერტიფიცირებული, აკადემიური ცოდნა STEM მიმართულებით.

კურსი ონლაინ ტარდება, რაც საქართველოში მცხოვრებ მოსწავლეებს აძლევს შესაძლებლობას, გაკვეთილებს ნებისმიერი ადგილიდან დაესწრონ.

ამასთან, საქართველოს ბანკი ყოველწლიურად საუკეთესო შედეგების მქონე 60 მოსწავლეს 100%-ით, ხოლო 30-ს 50%-ით უფინანსებს სწავლას.

სასკოლო ოლიმპიადები

ახალგაზრდებისთვის განათლების შესაძლებლობების შესაქმნელად, საქართველოს ბანკი არაერთ სასკოლო ოლიმპიადას აწყობს და უჭერს მხარს. მათ შორისაა:

STEM ოლიმპიადა — კომაროვის სკოლასთან თანამშრომლობით შექმნილი პროექტი, რომლის ფარგლებშიც მოსწავლეები თეორიული და პრაქტიკული ამოცანების გადაჭრაზე მუშაობენ. საპრიზო ადგილზე გასულ სკოლის გუნდს საქართველოს ბანკისგან ფულადი პრიზი 10 000 ლარი გადაეცემა.

ევერესტი — I-VI კლასის მოსწავლეებისთვის გამართული ყველაზე მასშტაბური მათემატიკური ოლიმპიადაა, რომელიც სეზონურად ტარდება და მასში მონაწილეობას 17 000-ზე მეტი მოსწავლე იღებს. ევერესტის გენერალური სპონსორი საქართველოს ბანკია. ოლიმპიადის ფარგლებში, ოქროს ტურის 2 გამარჯვებული მოსწავლე საქართველოს ბანკისგან 5000 ლარის ოდენობის სტიპენდიას იღებს.

საქართველოს ბანკის ინოვაციური ბიბლიოთეკები — იდეათეკები

მოსწავლეებისთვის შემეცნებისა და განათლების კიდევ უფრო მეტი შესაძლებლობის შესაქმნელად, საქართველოს ბანკმა ინოვაციური ბიბლიოთეკები, იდეათეკები საქართველოს 11 რეგიონის 25 სკოლაში გახსნა.

ყოველი იდეათეკა აღჭურვილია მრავალფეროვანი, 2000-მდე წიგნისგან შემდგარი ბიბლიოთეკით, განათლების მისაღებად საჭირო თანამედროვე ინსტრუმენტებით, კომპიუტერებითა და პროექტორებით, STEM კუთხით.

საქართველოს ბანკის ინოვაციური ბიბლიოთეკების რაოდენობა კიდევ გაიზრდება და უფრო მეტ ახალგაზრდას მიიეცემა წვდომა.

შესაძლებლობები სტუდენტებისა და ახალგაზრდა პროფესიონალებისთვის:

საქართველოს ბანკისა და გიორგი ჩახავას სახელობის სტიპენდიები — პროექტი შესაძლებლობას აძლევს მიზანდასახულ და მოტივირებულ სტუდენტებს, მიიღონ სწავლის ერთწლიანი, 100%-იანი ან ნაწილობრივი დაფინანსება. უკვე გამოვლინდა საქართველოს ბანკის 350-ზე მეტი სტიპენდიატი და მათი რაოდენობა ყოველწლიურად იზრდება. დეტალური ინფორმაცია ხელმისაწვდომია ლინკზე.

სწავლა დიდ ბრიტანეთში, აშშ-სა და გერმანიაში — CHEVENING-ის, Fulbright-ისა და ნიკა გუჯეჯიანის სასტიპენდიო პროგრამების ფარგლებში, საქართველოს ბანკი ახალგაზრდა პროფესიონალებს შესაძლებლობას აძლევს, სრული დაფინანსებით ისწავლონ წამყვანი უნივერსიტეტების, სამაგისტრო საფეხურზე. ინიციატივის ფარგლებში, უკვე გამოვლინდა საქართველოს ბანკის 50-ზე მეტი სტიპენდიატი, რომლებიც სასწავლებლად დიდ ბრიტანეთში, აშშ-სა და გერმანიაში გაემგზავრნენ. განათლების შესაძლებლობების შესახებ დეტალური ინფორმაციის მისაღებად ეწვიეთ ვებგვერდს.

საქართველოს ბანკის მიერ ახალგაზრდების მხარდასაჭერად შექმნილი ინიციატივების შესახებ დეტალური ინფორმაცია ხელმისაწვდომია ვებგვერდზე.