"როცა უკვე ადვოკატებმა მითხრეს სისხლის სამართლის რომელიღაც მუხლი იყო შეფარდებული, მზად ვიყავი ყველაფრისთვის იმიტომ, რომ, ვფიქრობ, სერიოზული ბრძოლის ფაზა არის ახლა და ყველა ყველაფრისთვის მზად უნდა ვიყოთ", — ამის შესახებ სასამართლოს დარბაზიდან გათავისუფლებულმა 23 წლის აქტივისტმა მეგი დიასამიძემ "რადიო თავისუფლებასთან" საუბრისას განაცხადა.

"სასამართლო პროცესზე გავიგე, მანამდე არ ვიცოდი გირაო თუ იყო პროკურატურისგან მოთხოვნა. როცა უკვე ადვოკატებმა მითხრეს სისხლის სამართლის რომელიღაც მუხლი იყო შეფარდებული, მზად ვიყავი ყველაფრისთვის იმიტომ, რომ, ვფიქრობ, სერიოზული ბრძოლის ფაზა არის ახლა და ყველა ყველაფრისთვის მზად უნდა ვიყოთ. შეიძლება არაფერი არ გააკეთო და მაინც ციხეში აღმოჩნდე. თუმცა, როცა შოთამ [თუთბერიძე, ადვოკატი] მითხრა ჩემთან ერთად მოდიხარო, ძალიან გამიხარდა. მოსამართლე ხმადაბლა საუბრობდა და ვერ გავიგე განაჩენი", — განაცხადა მეგი დიასამიძემ.

რაც შეეხება ჟურნალისტებთან გაკეთებულ კომენტარს, მეგი დიასამიძეს ჰკითხეს აპირებს თუ არა გიაროს გადახდას, რაზეც უპასუხა, რომ გადაწყვეტილებას იურისტებთან კონსულტაციის შემდეგ მიიღებს.

"გადაწყვეტილებას ასეთს არ ველოდი. არ ვიცოდი რა ხდებოდა, საერთო ჯამში რომელი მუხლი იყო კონკრეტულად არ მესმოდა და რადგან მუხლია არ მესმოდა და ვერ ვხდებოდი საბოლოოდ რა გადაწყვეტილებას მიიღებდნენ და როდესაც უშუალოდ ადვოკატები ვნახე დარბაზში იქ მითხრა შოთამ და მარიამმა, რომ გიაროს ითხოვს პროკურატურაო და როცა გირაო მოითხოვეს გავთავისუფლდებოდი თუ არ გავთავისუფლდებოდი არ მქონდა ინფორმაცია და მოლოდინები არ მქონდა გათავისუფლების. პროკურატურის ბრალდებას და გამომძიებლების ბრალდებას, როცა შემოვიდნენ იზოლატორში და ბრალი წამიყენეს ვერანაირად ვერ დავეთანხმები... არ დამიცემინებია და ვერანაირად ვერ დავეთანხმები ცხადია.

...

თავდაპირველად მხვდებოდნენ შავებში ჩაცმული პოლიციელები და მერე მე ვითხოვდი ფორმა რატომ არ გაცვიათ მაშინ ბარათი მაჩვენეთთქო. სოციალურ ქსელში უბრალოდ არ ვწერდი, რომ იდენტიფიცირებას ახდენდნენ, რადგან ამას შიში არ გამოეწვია აქციის სხვა მონაწილეებში და სხვა ადამიანებში. საპატრულომ როცა გამაჩერა გამომძიებლები მოვიდნენ — რა ხანია გაკვირდებით შენო და თურმე ვინ ყოფილხარო და მერე ორი საათის განმავლობაში ერთმანეთს შორის საუბრობდნენ და მერე ორი საათის შემდეგ ოქმი შეადგინეს და განყოფილებაში წავედით. განყოფილებაში დარეკვა ვითოვე, რაზეც უარი მითხრეს. იქ თქვეს, რომ 3 საათი შეგვიძლია არ დაგარეკინოთო, რაც იურისტებთან დავაზუსტე და მითხრეს, რომ იყო ტყუილი," — განუცხადა მეგი დიასამიძემ ჟურნალისტებს.

მას კახა კალაძის შტაბთან კალაძის საარჩევნო ბანერის დაზიანებას ედავებოდნენ. დღეს პროკურატურამ სასამართლოს გირაოს მოთხოვნით მიიმართა. საბოლოოდ აქტივისტი 2000-ლარიანი გირაოს სანაცვლოდ გაათავისუფლეს. "პუბლიკას" ინფორმაციით აქტივისტს გირაოს გადასახდელად საჭირო თანხა უკვე შეუგროვეს.