ნაციონალური მოძრაობის წევრებმა, თბილისის მერობის კანდიდატმა და პარტიის მხარდამჭერებმა თბილისის მერიასთან გზა გადაკეტეს და მერთან შეხვედრას ითხოვენ. როგორც ნაციონალური მოძრაობის თბილისის მერობის კანდიდატი, ზაალ უდუმაშვილი ამბობს, შეეცდებიან მერიის მაღალჩინოსნებს დაელაპარაკონ.

"არ შეიძლება ხალხის ასე იგნორი. ახალ ძალიან მნიშვნელოვანი საკითხი წყდება თბილისელებისთვის. კერძოდ ის, რომ თბილისი რიგდება ნაწილ-ნაწილ და ნამდვილად არ მივცემთ ბიძინა ივანიშვილს და კახა კალაძეს იმის საშუალებას, რომ თბილისის ტერიტორიები ასე გადაინაწილონ", - განუცხადა უდუმაშვილმა რუსთავი 2-ს.

25 მომხრე, 3 წინააღმდე - 29 სექტემბერს თბილისის საკრებულომ პანორამა თბილისისთვის პუშკინის სკვერთან 1 946 მ2-ის ფართობის მიწის ნაკვეთის გადაცემას მხარი დაუჭირა. პუშკინის სკვერთან, პანორამა თბილისის სასტუმროს მიმდებარედ მიწისქვეშა ავტოსადგომის ასაშენებლად მიწის ნაკვეთს ფუნქციური ზონის სტატუსი შეეცვალა. ასევე, სოლოლაკის ქედზე 4 677 მ2 ტერიტორიას ლანდშაფტური ზონის სტატუსი შეეცვლა და პანორამა თბილისს გოლფის მოედნის დამხმარე სათავსოების ასაშენებლად გადაცემა.

პანორამა თბილისი საქართველოს ყოფილი პრემიერ-მინისტრისა და მმართველი პარტიის - ქართული ოცნების დამფუძნებლის, ბიძინა ივანიშვილის ინიციატივით შენდება.