"საქართველოს ხელისუფლებამ უნდა გააუქმოს ეს უსამართლო განაჩენები და უზრუნველყოს საბა სხვიტარიძის, ანდრო ჭიჭინაძისა და სხვების გათავისუფლება და მათთვის ხელახალი სამართლიანი სასამართლო პროცესების ჩატარება," — ამის შესახებ საერთაშორისო უფლებადამცველი ორგანიზაციის, Amnesty International-ის აღმოსავლეთ ევროპისა და ცენტრალური აზიის დირექტორის მოადგილემ, დენის კრივოშეევმა განაცხადა.

მისი განცხადებით, საქართველოს მთავრობა სისხლის სამართლის მართლმსაჯულებას მომიტინგეების დასასჯელად და განსხვავებული აზრის გასაჩუმებლად იყენებს.

"ანდრო ჭიჭინაძის, საბა სხვიტარიძის და სხვების სასამართლო პროცესები აჩვენებს, რომ საქართველოს მთავრობა სისხლის სამართლის მართლმსაჯულებას იყენებს მომიტინგეების დასასჯელად და განსხვავებული აზრის გასაჩუმებლად. საქართველოში თვითნებური დაკავებისა და უსამართლო სასამართლო პროცესების გამო მომიტინგეები გახდნენ წამებისა და არასათანადო მოპყრობის მსხვერპლნი.

აღნიშნული საქმეები ასობით დემონსტრანტისთვის მართლმსაჯულებაზე წვდომის უფლების სისტემურ დარღვევას აღნიშნავს. საბა სხვიტარიძეს, რომელსაც ორი წლით თავისუფლების აღკვეთა მისთვის სამართლიანი სასამართლოს უფლების დარღვევით შეეფარდა, წამებისა და სხვა არასათანადო მოპყრობის შესახებ ეფექტური გამოძიების უფლება არ მიეცა.

საქართველოს ხელისუფლებამ უნდა გააუქმოს ეს უსამართლო განაჩენები და უზრუნველყოს საბა სხვიტარიძის, ანდრო ჭიჭინაძისა და სხვების გათავისუფლება და მათთვის ხელახალი სამართლიანი სასამართლო პროცესების ჩატარება. ყველა, ვინც მხოლოდ მშვიდობიანი შეკრებისა და გამოხატვის თავისუფლების უფლების გამოყენებისთვის არის დაკავებული, დაუყოვნებლივ უნდა გათავისუფლდეს," — ნათქვამია Amnesty International-ის განცხადებაში.

ასევე იხილეთ: