ლეგენდარულმა ბრიტანელმა მსახიობმა, ჯოან კოლინზმა, საკუთარ ინსტაგრამზე ახალი ფილმის გადასაღები მოედნიდან ფოტო გამოაქვეყნა, რომელშიც ის მაყურებელისთვის აქამდე უჩვეულო ვიზუალით წარსდგა.

Gerry - ასე ჰქვია კოლინზის ახალ ფილმს, რომელშიც ის მარტოხელა ქალის, ჰილდას როლს ასრულებს.

84 წლის ჯოან კოლინზი, რომელმაც პოპულარობის პიკს 1980-90-იან წლებში სერიალ დინასტიაში ელექსისის როლის შესრულებით მიაღწია, დღესაც ერთ-ერთი ყველაზე მოთხოვნადი მსახიობია. დინასტიის შემდეგ ითამაშა ისეთ სერიალებში როგორიც არის ფეხბურთელების ცოლები და ცუდი გოგოები. აღსანიშნავია, რომ დინასტიის დროს სამსახიობო ანსამბლში ყველაზე მაღალი ანაზღაურება სწორედ მას ჰქონდა და ეპიზოდში $120 ათასს იღებდა.

თითქმის ყოველ წელს გამოდის ახალი ფილმი მისი მონაწილეობით და თამაშობს რომელიმე სერიალში მიწვეულ მსახიობად. წერს წიგნებს, რომელთა გაყიდვებიდან მიღებული შემოსავალი რამდენიმე მილიონ დოლარს აჭარბებს და დღეს ერთ-ერთ ყველაზე მდიდარ ქალ მსახიობად ითვლება ბრიტანეთში. აქტიურია სოციალურ ქსელშიც და იყენებს ფეისბუქს, თვითერსა და ინსტაგრამს.