ირაკლი დგებუაძე ბათუმის პოლიციის უფროსი აღარ არის. ამის შესახებ ინფორმაცია თავდაპირველად გამოცემა "ბათუმელებმა" გაავრცელა. მათი ცნობით, დგებუაძე თბილისში გადაიყვანეს და იქ პოლიციის ატაშეების ხელმძღვანელი იქნება.

ეს ინფორმაცია "რადიო თავისუფლებას" შინაგან საქმეთა სამინისტროს პრესცენტრში დაუდასტურეს.

"დგებუაძე მუშაობას აგრძელებს ცენტრალური კრიმინალური პოლიციის დეპარტამენტის სამართალდაცვით სფეროში საერთაშორისო თანამშრომლობის ცენტრის უფროსის პოზიციაზე", — წერს "რადიო თავისუფლება".

შეგახსენებთ, რომ ირაკლი დგებუაძე "ნეტგაზეთისა" და "ბათუმელების" გამომცემლისა და დირექტორის, მზია ამაღლობელის საქმეში "დაზარალებულად" ცნეს. ნინო სახელაშვილმა მზია ამაღლობელს ირაკლი დგებუაძისთვის სილის გაწვნისთვის 2-წლიანი პატიმრობა მიესაჯა.

მოსამართლე ნინო სახელაშვილმა ამაღლობელს ბრალდება გადაუკვალიფიცირდა 353-ე მუხლის პირველი ნაწილით, რაც პოლიციის მუშაკისთვის წინააღმდეგობის გაწევას, საზოგადოებრივი წესრიგის დაცვისთვის ხელის შეშლას გულისხმობს. მანამდე პროკურატურა ამაღლობელს პოლიციელზე თავდასხმას ედავებოდა, რაც 4-დან 7 წლამდე პატიმრობას ითვალისწინებდა.