ოცნების ხელისუფლების სახელმწიფო მინისტრმა შერიგებისა და სამოქალაქო თანასწორობის საკითხებში, თეა ახვლედიანმა 2024 წლის 1-ელი იანვრიდან 31 დეკემბრამდე პერიოდში ხელფასის სახით 79 800 ლარი მიიღო. ამის შესახებ მის ქონებრივ დეკლარაციაშია აღნიშნული, რომელიც ახვლედიანმა მიმდინარე წლის 29 იანვარს შეავსო.

გარდა ამისა, დეკლარაციიდან ვიგებთ, რომ თეა ახვლედიანი ფლობს 60,74 კვ.მ ბინას თბილისში, გოგებაშვილის ქუჩაზე, რომელიც 2016 წელს 40 000 დოლარად შეიძინა. ამ დროს ახვლედიანი ესტონეთის რესპუბლიკაში საქართველოს ელჩის თანამდებობას იკავებდა, რომელზეც 2014 წელს დაინიშნა.

ამავე დეკლარაციის თანახმად, თეა ახვლედიანმა 2023 წლის 3 აგვისტოდან 2024 წლის 3 თებერვლამდე პერიოდში ბინის გაქირავებით 750 დოლარი მიიღო.

თეა ახვლედიანი შერიგებისა და სამოქალაქო თანასწორობის საკითხებში ოცნების სახელმწიფო მინისტრის თანამდებობას 2020 წლის 6 აგვისტოდან იკავებს. ის პოსტზე მაშინდელმა პრემიერმინისტრმა გიორგი გახარიამ წარადგინა. მანამდე, 2019 წლის ივნისიდან ახვლედიანი დევნილთა, შრომის, ჯანმრთელობისა და სოციალური დაცვის მინისტრის მოადგილის თანამდებობას იკავებდა.

თეა ახვლედიანის დეკლარაცია

თეა ახვლედიანის დეკლარაცია

თეა ახვლედიანის დეკლარაცია

თეა ახვლედიანის დეკლარაცია

თეა ახვლედიანის დეკლარაცია

თეა ახვლედიანის დეკლარაცია