გასულ კვირას აშშ-ის პრეზიდენტის, დონალდ ტრამპის ადმინისტრაციამ დაამტკიცა უკრაინისთვის მოქმედების გაფართოებული რადიუსის 3350 რაკეტის (ERAM) მიყიდვის შესახებ. ისინი უნდა ჩავიდნენ უკრაინაში ექვსი კვირის განმავლობაში. ინფორმაციას Wall Street Journal ავრცელებს.

გამოცემა წერს, რომ იარაღის პაკეტის მთლიანი ღირებულება, რომელიც მოიცავს ERAM რაკეტებს, 850 მილიონი აშშ დოლარია და მას თითქმის მთლიანად ევროპული ქვეყნები გადაიხდის.

იმავდროულად, რამდენიმე ამერიკელმა ოფიციალურმა წარმომადგენელმა WSJ– სთან ინტერვიუში აღნიშნა, რომ უკრაინას დასჭირდება პენტაგონის ნებართვა, რომ 450-მდე კილომეტრის რადიუსში მოქმედი ERAM რაკეტები გამოიყენოს.

Eram რაკეტები მიეკუთვნება კლასს "ჰაერი — ზედაპირი" და გამოყენების უნივერსალურობით გამოირჩევა. ამრიგად, ამ რაკეტების მოდულური დიზაინი საშუალებას აძლევს გამოიყენონ როგორც ხმელეთის, ისე საზღვაო სამიზნეების წინააღმდეგ.

WSJ იხსენებს, რომ შეერთებული შტატების ყოფილი პრეზიდენტის, ჯო ბაიდენის ადმინისტრაციამ 2023 წელს დაამტკიცა ATACMS რაკეტების გადაცემა უკრაინისთვის. გამოცემა წერს, რომ ამ ტიპის უახლესი რაკეტები, რომლებიც ჯო ბეიდენის მიერ დამტკიცებულ გეგმაში შედიოდა, უკრაინაში მიმდინარე წლის გაზაფხულზე ჩავიდა და ახლა კიევს მხოლოდ რამდენიმე ATACMS-ის რაკეტა აქვს დარჩენილი.