უკრაინის სამხედრო-საზღვაო ძალებმა ოკუპირებულ სევასტოპოლში, ხერსონესის აეროდრომზე, რუსული დრონების ბაზა გაანადგურეს. ინფორმაციას უკრაინული მედია უკრაინის სამხედრო-საზღვაო ძალებზე დაყრდნობით ავრცელებს.

მათივე ცნობით, დარტყმის შედეგად დაზიანდა სამი Mohajer-6 და ორი Forpost ტიპის უპილოტო საფრენი აპარატი, რომლებსაც რუსეთი შავი ზღვის აკვატორიის სადაზვერვო მონიტორინგისთვის იყენებდა.

"ბრძოლა ისევ გრძელდება! ყირიმი უკრაინაა!" — წერს უწყება.