26 ივნისის შემდეგ, პაკისტანში წყალდიდობის შედეგად 700-ზე მეტი ადამიანი დაიღუპა. ინფორმაციას Al Jazeera ეროვნული კატასტროფების მართვის სამსახურზე დაყრდნობით ავრცელებს და წერს, რომ ევაკუირებულია 25 000-ზე მეტი მცხოვრები.

არმიის წარმომადგენლის, აჰმედ შარიფის განცხადებით, სამხედრო ექიმები დაშავებულებს მკურნალობენ, ხოლო ინჟინრები დაზიანებულ ინფრასტრუქტურის აღდგენას ცდილობენ. ჯარისკაცებმა ვერტმფრენების გამოყენებით საკვები და მარაგი მიიტანეს წყალდიდობისა და მეწყრის შედეგად მოწყვეტილ შორეულ სოფლებში.

პრემიერმინისტრმა შეჰბაზ შარიფმა ხელისუფლებას დაავალა, დააჩქარონ აღდგენითი სამუშაოები ბუნერში და ხაიბერ-პახტუნხვას პროვინციის რაიონში, სადაც პარასკევს ძლიერმა წვიმებმა სულ მცირე 280 ადამიანი იმსხვერპლა. როგორც ადგილობრივმა რაიონულმა კომისარმა განაცხადა, სამშაბათს აღნიშნულ რაიონში 20 ცხედარი იპოვეს.

სამაშველო სამსახურის წარმომადგენლის, მოჰამად სუჰაილის თქმით, სამაშველო ჯგუფები ამ დროისთვის დაახლოებით 150 დაკარგულ ადამიანს ეძებენ.

ცნობისთვის, პაკისტანში წყალდიდობას ბევრი ადამიანი ემსხვერპლა 2022 წელსაც, როცა დაღუპულთა რიცხვმა 1700-ს გადააჭარბა.

მუსონური — წვიმების სეზონი პაკისტანში ივლისიდან სექტემბრამდე გრძელდება.