ჩემი სამზარეულო - ასე ჰქვია კულინარიულ რეალითი შოუს, რომელიც სულ მალე რუსთავი 2-ზე დაიწყება.

გადაცემის ორიგინალი ავსტრალიური My Kitchen Rules არის, რომელიც ეთერში გასვლის დღიდან პოპულარობას არ კარგავს და მეტიც, ის ქვეყნის ყველაზე რეიტინგულ გადაცემის ათეულშიც საპატიო ადგილს იკავებს.

შოუს მთავარი მიზანი მთელი ქვეყნის მასშტაბით იმ ადამიანების მოძებნაა, ვისი ჰობიც მზარეულობაა და აქვს სურვილი საკუთარი რესტორანი გახსნას, შესაბამისად რუსთავი 2-ის ახალი გადაცემა უკვე ეძებს მოყვარულ მზარეულებს, საოჯახო რეცეპტებს, ჩვეულებრივ ადამიანებს ჩვეულებრივ სამზარეულოებში, რომლებსაც მალე მოუწევთ საკუთარ თავს, კონკურენტებს, წამყვანებსა და ჟიურის წევრებს დაუმტკიცონ, რომ სწორედ ისინი არიან საუკეთესოთა შორის საუკეთესოები და გამარჯვებას იმსახურებენ, პრიზი კი საკმაოდ სოლიდურია - გამარჯვებულ გუნდი ფულადი პრიზის საშუალებით ოცნებას აიხდენს და საკუთარ რესტორანს გახსნის.

რაც შეეხებათ წამყვანებს, ერთ-ერთ წამყვანად რუსთავი 2-ის გენერალური დირექტორი ნიკა გვარამია იქნება, რომელსაც პარტნიორობას შეფ მზარეული გურამ ბაღდაშვილი გაუწევს.

ფოტო გადაცემის პრომოს გადაღებიდან

ფოტო გადაცემის პრომოს გადაღებიდან

რეალითი შოუს მოანაწილეთა კერძებს ჟიურის ოთხი წევრიც გასინჯავს, რომელთა შორის იქნებიან ქართველი და უცხოელი გურმანები.

გახსოვდეთ, რომ ამ შოუს მიზანი არ არის გამოცდილი და სახელოვანი შეფ მზარეულების კიდევ ერთხელ შეფასება, აქ მთავარი თქვენ ხართ - ხალხი, რომელსაც სიგიჟემდე უყვარს სამზარეულო, უყვარს კერძების მომზადება და თვლის რომ ეს საქმე მას კარგად გამოსდის. არსებობს მხოლოდ ერთი წესი, რეალითი შოუში მონაწილეობა წყვილმა უნდა მიიღოს.

ასე, რომ ჩაჰკიდეთ ხელი თქვენს შეყვარებულს, მეგობარს, დედას, მამას, ნებისმიერს, რომელთან ერთადაც გსურთ საკუთარი რესტორნის გახსნა და მიიღეთ მონაწილეობა რუსთავი 2-ის ახალ მეგა შოუში - ჩემი სამზარეულო.

აქვე წაიკითხეთ:

ამომავალი ვარსკვლავი - ახალი მუსიკალური მეგა შოუ რუსთავი 2-ზე