10 ივლისს, გაერთიანებული სამეფოს საგარეო საქმეთა მინისტრს, დეივიდ ლემის ბრიტანელი პარლამენტარმა, ფილ ბრიკელმა ჰკითხა თუ რას ფიქრობდა ბრიტანეთის ვირჯინის კუნძულებში ქართული ოცნების წარმომადგენლების გადამალულ ქონებაზე. ბრიტანელმა პარლამენტარმა ასევე დასძინა, რომ "ეს საშინელ სიგნალს აძლევს მსოფლიოს".

"თქვენ დიდ ძალისხმევას დებთ იმაში, რომ ლონდონი ყოფილიყო მსოფლიოს ანტიკორუფციული დედაქალაქი, რასაც ძალიან გიფასებთ. ამ კონტექსტში მსურს ძალიან მოკლედ ვისაუბრო საგარეო ტერიტორიებზე საქართველოსთან მიმართებაში.
საქართველოში, მმართველი პრორუსული პარტიის ქართული ოცნების წამყვანი წევრები, მაშინ, როცა სჯიან სამოქალაქო საზოგადოებასა და ზღუდავენ საქართველოს მოსახლეობის სამოქალაქო თავისუფლებებს, სავარაუდოდ, იყენებენ ბრიტანეთის ვირჯინიის კუნძულებზე რეგისტრირებულ კომპანიებს, რათა დამალონ და დაფარონ საკუთარი ქონება.
ამავე დროს ბრიტანეთის ვირჯინიის კუნძულებმა კვლავ გადააცილა ვადას, რომ წარედგინა საჯაროდ ხელმისაწვდომი ბენეფიციარი მესაკუთრეების რეგისტრების დანერგვაზე გეგმა. როგორ ფიქრობთ, რა გზავნილია ეს მსოფლიოსთვის?" — ჰკითხეს მას.

ლემი ბრიტანელი პარლამენტარის გამოთქმულ აზრს დაეთანხმა და დასძინა, რომ მას საქართველოს შესახებ ინფორმაცია არ ჰქონდა და მას "ახლოდან შეისწავლის".

"ეს საშინელი გზავნილია და სწორედ ამაზე ვაგრძელებთ დისკუსიას ბრიტანეთის ვირჯინის კუნძულებთან. ჩვენ ამას სერიოზულად ვუდგებით. სწორედ ამიტომ ვგეგმავ მომავალ წელს ფინანსურ გამჭვირვალობაზე კონფერენციის გამართვას.

მე დეტალურად არ ვიცნობ საქართველოს შესახებ და იქ არსებულ კორუფციულ აქტივობებზე საკითხს, თუმცა მას ახლოდან შევისწავლი და ბრიტანეთის ვირჯინიის კუნძულებთან საკითხს წარმოვადგენთ," — უპასუხა ლემიმ.