საქართველოში ლოიალურობის ყველაზე მასშტაბური პროგრამა — PLUS წელს 8 წლის გახდა. ამ დღის აღსანიშნავად, საქართველოს ბანკის გუნდმა ლოიალურ მომხმარებლებს შოპინგის ნამდვილი დღესასწაული მოუწყო და 100,000-მდე ადამიანს სურვილების ასრულებაში დაეხმარა.

5 ივლისს მომხმარებლებს შესაძლებლობა ჰქონდათ შეგროვებული PLUS ქულებით პარტნიორ ობიექტებში ნებისმიერი ნივთი 50%-იანი ფასდაკლებით შეეძინათ.

წლევანდელი PLUS დაბადების დღე გამორჩეულად აღინიშნა. კამპანიის სახე ბუდუ ზივზივაძე გახდა, საქართველოს ნაკრების რვა ნომერი, რომელმაც ევროპის ჩემპიონატზე არაჩვეულებრივ თამაშთან ერთად, თავი ცნობილი ჟესტით დაგვამახსოვრა. სიმბოლურია, რომ ბუდუ ნაკრებში 8 ნომრით თამაშობს, წელს კი PLUS 8 წლის გახდა.

საქართველოს ბანკის ამ დღესასწაულში, მისი 300-ზე მეტი პარტნიორი ობიექტი ჩაერთო, რის გამოც წლევანდელი დაბადების დღე კიდევ უფრო განსაკუთრებული გახდა. 100,000-მდე მომხმარებელმა ისარგებლა სხვადასხვა შეთავაზებით და აისრულა დიდი ხნის ნანატრი სურვილები.

“5 ივლისი განსაკუთრებული დღეა, როგორც ჩვენთვის, ისე, ათი ათასობით ჩვენი მომხმარებლისთვის და ასობით პარტნიორი კომპანიისთვის. წელს PLUS-ის დაბადების დღემ ყოველგვარ მოლოდინს გადააჭარბა. ამ დღეს ჯამში 170,000-მდე გადახდა შესრულდა PLUS ქულებით, რაც წარმოუდგენლად მასშტაბურია. ამ დღეს კიდევ ერთხელ ვიგრძენით, რომ PLUS უკვე მხოლოდ ლოიალობის პროგრამა კი არა, ყოველდღიურობის ნაწილია”, —განაცხადა საქართველოს ბანკის ლოიალურობის პროგრამის მართვის დეპარტამენტის დირექტორმა, ქეთევან ბიჭიაშვილმა.

თუ წელს ვერ აღნიშნე PLUS დაბადების დღე ჩვენთან ერთად, გული არ დაგწყდეს, აქედანვე დაიწყე მზადება, თვალი ადევნე საქართველოს ბანკის ლოიალობის პროგრამის შეთავაზებებს, რაც სხვადასხვა ფასდაკლებასა და ქეშბექებს მოიცავს და ხშირად შესაძლებლობას გაძლევს 10-ჯერ და 30-ჯერ მეტი PLUS ქულა მიიღო.