დაბა წაღვერში, მთის ფერდობზე, არჯევანიძის ტყეში გაჩენილი ხანძრის ქრობის პროცესი ამ დრომდე მიმდინარეობს.

უწყების ცნობით, ხანძრის კერებთან მობილიზებულია მაღალი გამავლობის 20-მდე ხანძარსაწინააღმდეგო ტექნიკა და შსს-ს 500-მდე თანამშრომელი.

სასაზღვრო პოლიციის ვერტმფრენი დილიდან ჩაერთო ქრობის პროცესში. სააგენტოს პრესსამსახურის ცნობით, დამატებით, მეორე ვერტმფრენი დაზვერვით სამუშაოებს ახორციელებს და კიდევ ერთი ჩაერთვება უახლოესი 35 წუთის განმავლობაში.

საგანგებო სიტუაციების მართვის სააგენტოში On.ge-ს განუცხადეს, რომ ახალი კერები არ ფიქსირდება. რთული რელიეფისა და გაკვამლიანების გამო კი გაჭირდა ქრობის პროცესი.

ხანძარი წაღვერის ტყეში

ხანძარი წაღვერის ტყეში

ფოტო: საგანგებო სიტუაციების მართვის სააგენტო

მიმდინარეობს სხვა ქვეყნის ვერტმფრენის დახმარების საკითხის განიხლვა, რომლის შესახებ უწყება მალე გააკეთებს განცხადებას.

წაღვერის ტყეში ხანძარი გუშინ საღამოს, 22 სექტემბერს გაჩნდა. იმავე ტყეში ხანძარი აგვისტოშიც იყო. მაშინ გაჩენილი ხანძრის ჩაქრობას რვა დღე დასჭირდა. ხანძრის ჩაქრობაში საქართველოსა და მეგობარი ქვეყნების ტექნიკა, ავიაცია და მეხანძრე მაშველები მონაწილეობდნენ.