მსოფლიოს მასშტაბით, სხვადასხვა მკვლევრები ცდილობენ, რომ ალცჰაიმერი რაც შეიძლება მალე დააფიქსირონ. ამ დაავადების ადრეული აღმოჩენა ადამიანებს საშუალებას აძლევს, განკურნების გზები აპოვნინოს, რომელიც შეანელებს პროცესებს, ან საკმარის დროს მისცემს, რომ მათ პირადი და ფინანსური საქმეები მოაწესრიგონ.

ზოგი მეცნიერი ნიშანს სისხლსა და ზურგის ტვინის სითხის ტესტებში ეძებს, ზოგი ქმნის ისეთ მოწყობილობებს, რომლებსაც შეუძლიათ ადრეული ნიშნები დააფიქსირონ.

იტალიაში, ბარის უნივერსიტეტში მომუშავე მკვლევართა გუნდს სჯერა, რომ პასუხი ხელოვნურ ინტელექტში იმალება. მათ შექმნეს ალგორითმი, რომელსაც შეუძლია ამ დაავადების მიერ გამოწვეული მცირე სტრუქტურული ცვლილება შენიშნოს ტვინში სიმპტომის გამოვლენამდე ათი წლით ადრე.

მათ თავიანთი ხელოვნური ინტელექტი შემდეგნაირად გაწვრთნეს: მას მისცეს 67 MRI სკანი - აქედან 38 ალცჰაიმერით დაავადებულის იყო და 29 სრულიად ჯანმრთელი. მკვლევრებმა სკანები მცირე რეგიონებად დაყვეს და თავიანთ ხელოვნურ ინტელექტს გააანალიზებინეს მათში მიმდინარე ნეირონული კავშირი.

როდესაც გაწვრთნა დასრულდა, მათ ალოგირთმის ტესტირებისთვის ხელოვნურ ინტელექტს გადაამუშავებინეს ტვინის სკანები 148 სუბიექტისგან. ამ რიცხვიდან, 48 სკანი ალცჰაიმერით დაავადებული ადამიანის იყო, ხოლო 48 იმ ადამიანების, რომლებსაც მსუბუქი კოგნიტური გაუარესება ჰქონდათ. ეს კი საბოლოოდ ალცჰაიმერში გადაიზარდა.

ხელოვნურმა ინტელექტმა ალცჰაიმერის დიაგნოზის დასმა 86%-ის სიზუსტით მოახერხა. უფრო მნიშვნელოვანი ისაა, რომ მან მსუბუქი კოგნიტური გაუარესების დაფიქსირება 84%-ის სიზუსტით შეძლო. ეს კი ადრეული დიაგნოზისთვის პოტენციურად ეფექტური იარაღია.

სამწუხაროდ, მკვლევრებს შეზღუდული რაოდენობის სკანები ჰქონდათ მონაცემთა ბაზაში. უფრო მეტი ნიმუშითა და უფრო მაღალი განვითარებით, ხელოვნური ინტელექტი დიაგნოსტიკაში უფრო მაღალ სიზუსტეს მოგვცემს.