კახელების მარში, რომელიც ერეკლე II-ის მოედანზე დაიწყო, პრეზიდენტის ადმინისტრაციასთან მივიდა. მომიტინგეებთან შესახვედრად სალომე ზურაბიშვილიც გამოვიდა. თავდაპირველად, პრეზიდენტის სცენაზე ასვლას მერიის თანამშრომელთა ნაწილი ეწინააღმდეგებოდა, თუმცა მოქალაქეებისა და პრეზიდენტის დაცვის ძალისხმევით, სალომე ზურაბიშვილმა სცენაზე ასვლა შეძლო.

"მინდა, მადლობა გითხრათ ყველას აქ მოსვლისთვის. ეს ადგილი ჩვენია. ეს სცენა ჩვენია, ვერ დააპატიმრებენ. ორბელიანების მოედანი, სასახლე, ეს ადგილი, ყველაფერი ჩვენია, თქვენია. კახელებს დიდი მადლობა და სხვებსაც. მე მხოლოდ კახელი არ ვარ, მეგრელიც ვარ, გურულიც ვარ, ქართველი ვარ... დიდი მადლობა და შევხვდეთ 9 საათზე" — განაცხადა სალომე ზურაბიშვილმა.