ახლო აღმოსავლეთში სამხედრო დაძაბულობის კიდევ უფრო გამწვავების მოლოდინში, ისრაელში რეზერვისტები ქვეყნის მასშტაბით გადანაწილდნენ. Army Radio-ს ინფორმაციით, სამხედრო შენაერთები ლიბანისა და იორდანიის საზღვრებთან განლაგდნენ.

მეორე მხრივ, ირანში, სახელმწიფო მედიის თანახმად, ღამით მთელი თეირანის მასშტაბით აფეთქებები ისმოდა. Fars News-ის ცნობით, ორი რაკეტა მეჰრაბანდის აეროპორტს მოხვდა. აეროპორტი დედაქალაქში მდებარეობს და ერთდროულად როგორც სამოქალაქო, ისე სამხედრო მიზნებს ემსახურება.

ირანის სახელმწიფო ტელევიზიის ცნობით, რაკეტამ გაანადგურა 14-სართულიანი საცხოვრებელი კორპუსი, რასაც, ტელევიზიის ინფორმაციით, 60 ადამიანის სიცოცხლე შეეწირა, თუმცა ოფიციალურად ეს ციფრი ჯერ არ დადასტურებულა. ისრაელის არმიას ამ განცხადებაზე კომენტარი ჯერჯერობით არ გაუკეთებია.

გაეროში ირანის წარმომადგენელმა, ამირ საიდ ირავანიმ, განაცხადა, რომ პარასკევს ისრაელის თავდასხმებს 78 ადამიანი ემსხვერპლა და 320-ზე მეტი დაიჭრა, რომელთა უმრავლესობა სამოქალაქო პირია.