ირანმა გაეროს უშიშროების საბჭოს საგანგებო სხდომის მოწვევა სთხოვა, სადაც, მოთხოვნის თანახმად, ისრაელის მიერ ქვეყნის ტერიტორიაზე უპრეცედენტო იერიშები უნდა განიხილონ. ინფორმაციას CNN გაეროში ირანის მისიაზე დაყრდნობით ავრცელებს.

ირანმა მოთხოვნა საერთაშორისო გამოხმაურებების ფონზე წარადგინა, რომლებშიც მხარეებს თავშეკავებისკენ მოუწოდებენ. ამასთან, ისრაელმა განაცხადა, რომ სამხედრო ოპერაცია ირანის წინააღმდეგ დღეების განმავლობაში გაგრძელდება, ხოლო ირანმა პირობა დადო, რომ საპასუხო დარტყმები იქნება.