საერთაშორისო ფინანსურმა გამოცემა Global Finance-იმ პირველი AI in Finance Awards 2025-ის გამარჯვებულები დაასახელა. ღონისძიებაზე საქართველოს ბანკმა უმაღლესი აღიარება მოიპოვა. იგი საცალო და კორპორაციული მიმართულებებით , ფინანსებში ხელოვნური ინტელექტის ინტეგრაციისთვის, როგორც ქვეყნის, ისე ცენტრალურ და აღმოსავლეთ ევროპის მასშტაბით საუკეთესო ბანკად დასახელდა.

აღნიშნული ჯილდოები ფინანსურ სექტორში ხელოვნური ინტელექტის წარმატებული და პასუხისმგებლიანი დანერგვის მიმართულებით ერთ-ერთი ყველაზე ავტორიტეტული აღიარებაა. დაჯილდოების პროგრამა CGI-სთან, გლობალურ IT და საკონსულტაციო ფირმასთან პარტნიორობით ხორციელდება, რომელიც ხელოვნური ინტელექტის საპასუხისმგებლოდ დანერგვაშია სპეციალიზებული.

“ხელოვნურ ინტელექტს ჩვენს სტრატეგიაში ცენტრალური ფუნქცია აქვს. ჩვენი მიზანია, შევთავაზოთ მომხმარებლებს თანამედროვე, პერსონალიზებული და ტექნოლოგიურად გამართული მომსახურება როგორც საცალო, ისე კორპორაციულ დონეზე. ეს უმაღლესი შეფასება ქვეყნისა და რეგიონის მასშტაბით კიდევ ერთხელ უსვამს ხაზს იმ პროგრესს, რომელსაც საქართველოს ბანკი ტექნოლოგიური ტრანსფორმაციის გზაზე აღწევს“, — აცხადებს მიხეილ ნადარეიშვილი, საქართველოს ბანკის მონაცემთა ანალიტიკის დეპარტამენტის ხელმძღვანელი. მთავარი მონაცემთა ანალიტიკოსი.

საქართველოს ბანკმა AI in Finance Awards-ის ფარგლებში, საუკეთესო ბანკის ჯილდო მიიღო შემდეგ კატეგორიებში:

· საუკეთესო ბანკი საცალო მიმართულებით — ქვეყნის დონეზე;
საუკეთესო ბანკი საცალო მიმართულებით — რეგიონულ დონეზე (ცენტრალური და აღმოსავლეთ ევროპა);

· საუკეთესო ბანკი კორპორაციული მიმართულებით — ქვეყნის დონეზე;

· საუკეთესო ბანკი კორპორაციული მიმართულებით — რეგიონულ დონეზე (ცენტრალური და აღმოსავლეთ ევროპა).