აშშ-ის პრეზიდენტმა დონალდ ტრამპმა მილიარდერ ილონ მასკს „ძალიან სერიოზული შედეგებით“ დაემუქრა, თუ ის დემოკრატ კანდიდატებს დააფინანსებს. ამის შესახებ CNN წერს.

"თუ ის (მასკი) ამას გააკეთებს, მას მოუწევს პასუხის გება", — თქვა აშშ-ს პრეზიდენტმა მასკზე.

აშშ-ის პრეზიდენტმა ასევე აღნიშნა, რომ მასკთან ურთიერთობას დასრულებულად მიიჩნევს და აღდგენას არ აპირებს.

აშშ-ის პრეზიდენტის თქმით, მასსა და მასკს შორის კონფლიქტმა მხოლოდ რესპუბლიკელები გააერთიანა: "რესპუბლიკური პარტია არასდროს ყოფილა ასეთი ერთიანი. არასდროს. სინამდვილეში, ის უფრო ერთიანია, ვიდრე სამი დღის წინ იყო".

ამას გარდა, ტრამპმა მასკი პრეზიდენტობისადმი უპატივცემულობაშიც დაადანაშაულა.

"ვფიქრობ, ეს ძალიან ცუდი რამ არის, რადგან ის ძალიან ცუდად იქცევა. პრეზიდენტის ოფისის უპატივცემულობა არ შეიძლება", — აღნიშნა თეთრი სახლის ხელმძღვანელმა.

ტრამპი თვლის, რომ დოკუმენტი, სახელწოდებით "ერთი დიდი, ლამაზი კანონი", სენატში 4 ივლისისთვის იქნება მიღებული. ტრამპმა დასძინა, რომ მასკთან კონფლიქტმა მის მიერ წამოყენებულ საბიუჯეტო ინიციატივისადმი ინტერესი გაზარდა

"ვფიქრობ, ილონმა რეალურად ხაზი გაუსვა კანონპროექტის ძლიერ მხარეებს, რადგან ადამიანებმა, რომლებმაც მანამდე დიდი ყურადღება არ მიაქციეს, დაიწყეს ყურადღების მიქცევა და დაინახეს, რამდენად კარგი იყო ის", — განმარტა თეთრი სახლის ხელმძღვანელმა.

აშშ-ის პრეზიდენტსა და ამერიკელ მილიარდერს შორის საჯარო დავა ხუთშაბათს, მას შემდეგ გამწვავდა, რაც ტრამპმა განაცხადა, რომ მასკის დახმარების გარეშე საპრეზიდენტო არჩევნებში გაიმარჯვებდა. მანამდე, პირად საუბრებში გახდა ცნობილი, რომ ტრამპი უკმაყოფილო იყო მასკის მიერ მისი ბიუჯეტის კანონპროექტის კრიტიკით.

ტრამპსა და მასკს შორის 5 ივნისს წარმოშობილ დავაში, ამ უკანასკნელმა განაცხადა, რომ ამერიკელი ლიდერის სახელი "ეპშტეინის ფაილებში" იყო. ეპშტეინს პედოფილიასა და პროსტიტუციის ორგანიზებაში ადანაშაულებდნენ.

დღეს ABC News-მა გაავრცელა ინფორმაცია იმის შესახებ, რომ მასკმა წაშალა პოსტი, სადაც წერდა, რომ ტრამპის სახელი "ეპშტეინის ფაილებში" იყო.

"დროა, ძალიან დიდი ბომბი ჩამოვაგდო: დონალდ ტრამპი ეფშტეინის ფაილებშია. ესაა ნამდვილი მიზეზი, რატომ არ გასაჯაროვდა ფაილები. კარგ დღეს გისურვებ, დონალდ ჯონ ტრამპ! შეინახეთ ეს პოსტი მომავლისთვის. სიმართლე გამჟღავნდება," — დაწერა მასკმა X-ზე 5 ივნისს.