მერაბ დვალიშვილმა აშშ-ს სახელით გამომსვლელი შონ ო'მალი დაამარცხა და UFC-ს საჩემპიონო ქამარი კარიერაში მეორედ დაიცვა, რის შემდეგაც ქართველმა ჩემპიონმა პრესკონფერენცია გამართა.

"ჩემთვის განსაკუთრებული დღე იყო, რადგან სწორედ აქ, ნიუ ჯერსისთან ახლოს დავიწყე პროფესიონალური კარიერა. აქ გადავდგი პირველი ნაბიჯები, რომლებიც საკმაოდ რთული იყო, ახლა კი დავბრუნდი და ქამრისთვის ვიბრძოდი. აქ იყო ამერიკის პრეზიდენტი, დონალდ ტრამპი და ყველა ქართველი ემიგრანტი. ყველა მიმართულებით უკეთესობისკენ მივდივარ, თქვენ იცით, რომ სავარჯიშო პროცესის დროს გეგმა ხშირად იცვლება. მზად ვიყავი ყველაფრისთვის და შონს ბევრის არაფრის უფლება მივეცი. როცა პირველად ქამრისთვის ვიბრძოდი, მაშინ მინდოდა, უბრალოდ ტიტული მომეგო, ახლა რისკზე მივდივარ და ღიად ვიბრძვი. ბრძოლისთვის ჩემი მეგობარი, ალჯამეინ სტერლინგი ძალიან დამეხმარა, მასთან კვირაში სამჯერვე ვსპარინგობდი და იგი შონ ო’მალიზე ორჯერ უკეთესია. ახლა დარწმუნებული ვარ, რომ ჩემი ქვეყანა ჩემი გამარჯვებით ძალიან გახარებულია. უახლოეს მომავალში ჩემს სამშობლოში წავალ, დარწმუნებული ვარ აეროპორტი სავსე იქნება," — თქვა დვალიშვილმა (ტექსტს Europop ავრცელებს).

მერაბ დვალიშვილმა პრესკონფერენცია ქართულ ენაზე დაასრულა და ქართველებს მიმართა — "მადლობა ყველას! საქართველო, მიყვარხარ! მალე შევხვდებით".