აშშ-ის პრეზიდენტის, დონალდ ტრამპის ადმინისტრაციამ აშშ-ში სტუდენტური ვიზებისთვის ახალი გასაუბრებების შეჩერება ბრძანა, რადგან განმცხადებლების სოციალური ქსელების გადამოწმების გაფართოებას განიხილავს. ამის შესახებ რედაქციის მიერ მოპოვებულ დოკუმენტზე დაყრდნობით, Politico იტყობინება.

გამოცემა წერს, რომ თეთრი სახლი აშშ-ში სწავლის მსურველი ყველა იმ პირის სოციალური ქსელის სავალდებულო გადამოწმებას შესაძლო ზომად განიხილავს, რაც უკვე არსებული ზომების "მნიშვნელოვანი გაფართოება" იქნება. "ასეთი გადამოწმების შემოღების მოსამზადებლად, ადმინისტრაციამ აშშ-ის საელჩოებსა და საკონსულოებს უბრძანა, შეაჩერონ სტუდენტურ ვიზებზე განმცხადებლებისთვის ახალი გასაუბრებების დანიშვნა", — წერს Politico.

მათი ცნობით, შესაბამის ტელეგრამას, რომელიც სამშაბათს, 27 მაისს, თარიღდება, ხელი მოაწერა აშშ-ის სახელმწიფო მდივანმა, მარკო რუბიომ.

22 მაისს ცნობილი გახდა, რომ დონალდ ტრამპის ადმინისტრაციამ ჰარვარდის უნივერსიტეტს უცხოელი სტუდენტების მიღება აუკრძალა. მომდევნო დღეს აშშ-ის ფედერალურმა მოსამართლემ დროებით აუკრძალა ჰარვარდს უცხოელი სტუდენტების მიღება.