რუსულ-ბელოროსული სამხედრო წვრთნების, ზაპად 2017-ის დროს, ვერტმფრენმა, შემთხვევით, მაყურებელს გაუხსნა ცეცხლი. შემთხვევა სანკტ-პეტერბურგის სამხრეთით მოხდა. ინფორმაციას რუსული ტელევიზია დოჟდი 66.ru-ზე დაყრდნობით ავრცელებს.

არსებული ინფორმაციით, ორი ავტომობილი დაიწვა, ორი ადამიანი, სავარაუდოდ ჟურნალისტები, კი მძიმე ტრავმებით საავადმყოფოში გადაიყვანეს.

რუსეთისა და ბელორუსიის ერთობლივი სამხედრო სწავლებები ზაპად 2017 წინა კვირაში დაიწყო. წვრთნებში 12 700 სამხედროსთან ერთად, ასობით ტანკი, რაკეტები, ვერტმფრენები და სხვა აღჭურვილობა მონაწილეობს.