ქართული ჯგუფი LOUDspeakers მსმენელს ახალი მუსიკით უბრუნდება. ბენდმა ცოტა ხნის წინ სიმღერა არ გაქრე არსად გამოუშვა, რომელიც მომავალ მინიალბომში შედის. მინიალბომი კი, სახელწოდებით Stay Close To Me ("ჩემთან ახლოს დარჩი"), კიდევ სამ სამ სიმღერას გააერთიანებს და 30 ივნისს გამოვა.

LOUDspeakers 2009 წელს შეიქმნა და მას შემდეგ მისი სოლისტი ლევან ლაუდაძეა. სრული შემადგენლობით ბენდი მაყურებლის წინაშე პირველად ახალი ჯგუფების ფესტივალ Altervision/Newcomers-ზე წარდგა 2010 წელს და რჩეულებს შორისაც აღმოჩნდა.

ჯგუფის პირველი სტუდიური ალბომი Lighthouse (2015) მსმენელში დიდი პოპულარობით სარგებლობს. განსაკუთრებული სიყვარული კი სიმღერას World in My Eyes ხვდა წილად — იუთუბზე კომპოზიციას უკვე 16 მილიონზე მეტჯერ მოუსმინეს. ჯგუფის სხვა პოპულარულ სიმღერებს შორისაა In This World, Old Dreamer და We Are One.

აღსანიშნავია, რომ LOUDspeakers-ის წევრები პოლიტიკური აქტივიზმითაც გამოირჩევიან. ისინი აქტიურად უჭერენ მხარს ქვეყნის ევროპულ მომავალს და ღიად გმობენ პრორუსულ პოლიტიკას.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...