რუსეთის პრეზიდენტმა, ვლადიმერ პუტინმა Delovaya Rossiya-ს ხელმძღვანელობასთან შეხვედრაზე განაცხადა, რომ მოსალოდნელმა სანქციებმა არ უნდა შეაშინოს მოსახლეობა.

"მსოფლიოში არცერთი ეკონომიკა არ არის თვითკმარი, მაგრამ შესაძლო სანქციების არ უნდა გვეშინოდეს — შიში არ შეიძლება. ვინც შეშინებას იწყებს, მაშინვე მარცხდება. თუმცა, იმის გაგება, თუ რა შეიძლება მოხდეს, აუცილებლად საჭიროა. მზად უნდა ვიყოთ ნებისმიერი ნაბიჯისთვის, რაც ჩვენი შესაძლო მომავალი არაკეთილისმსურველების მხრიდან შეიძლება გადაიდგას," — თქვა რუსეთის პრეზიდენტმა, ვლადიმირ პუტინმა.

შეგახსენებთ, გერმანიის მთავრობის განცხადებით, თუ რუსეთი 12 მაისის დღის ბოლომდე არ დაიწყებდა უკრაინაში 30-დღიანი ცეცხლის შეწყვეტის რეჟიმის დაცვას, ევროპული ქვეყნები რუსეთის წინააღმდეგ ახალი სანქციების მოსამზადებელ პროცესს დაიწყებენ.