წლევანდელ ემის სკანდალის გარეშე არ ჩაუვლია. FX-ის სერიალ Feud: Bette and Joan-ის მსახიობი, ჯაკი ჰოფმანი, რომელიც მინისერიალში ან სატელევიზიო ფილმში ქალის საუკეთესო მეორეხარისხოვანი როლის შემსრულებლის ნომინაციაზე იყო წარდგენილი, მისი კონკურენტი ლორა დერნის გამარჯვებამ გააღიზიანა.

ჯილდოს მფლობელის გამოცხადების შემდეგ ჰოფმანმა ყვირილი და სკამზე ხელის რტყმა დაიწყო.

"ჯანდაბა, ჯანდაბა", - ყვიროდა მსახიობი ლორა დერნის სახელის გამოცხადების შემდეგ.

მოგვიანებით, მამასიტას როლის შემსრულებელმა საკუთარი კონკურენტის და ემის მფლობელი ლორა დერნის ლანძღვა ტვიტერზეც განაგრძო და მთელი შოუს განმავლობაში რამდენიმე ტვიტიც მიუძღვნა.

"ლორა დერნს ცნობილი მშობლები ჰყავს. ბოდიში, რომ მე რეალური ადამიანებისგან მოვდივარ", - წერდა მსახიობი.

რამდენიმე წუთში კი სხვა ტვიტებც მოაყოლა:

"გავიგე, რომ ლორა დერნი ბავშვების პორნოგრაფიას განაგებს"

"როგორც გავიგე, მან [ლორა დერნმა] ხელოვნება ნაცისტების მსხვერპლებს მოპარა"

მოგვიანებით კი როდესაც ყველა მედია საშუალება ჯაკის რეაქციასა და ტვიტებზე საუბრობდა, მსახიობმა დაწერა, რომ არ ელოდა თუ მის განცხადებებს ასე სერიოზულად აღიქვამდნენ.

არავინ იცის რეალურად იხუმრა თუ არა ჰოფმანმა, ფაქტი ერთია, მამასიტას როლის შემსრულებელი დღეს მედიაში განხილვის მთავარი თემაა. დიდი შანსია, რომ ჯაკიმ, როგორც ცნობილმა ამერიკელმა კომიკოსმა უბრალოდ იხუმრა და სერიალის, რომელშიც თავად თამაშობს, მთავარი თემა რეალობაში გადმოიტანა.

ჰოფმანის განცხადებებს ჯერ-ჯერობით არ გამოხმაურებია Big little Lies ვარსკვლავი ლორა დერნი.

აქვე წაიკითხეთ:

Emmy 2017-ის გამარჯვებულების ვინაობა ცნობილია