დასავლური მსოფლიო უმნიშვნელოვანესი ისტორიული მომენტის მოლოდინშია — გუშინ კონკლავი დაიწყო, რაც იმას ნიშნავს, რომ კარდინალთა საბჭო რომის ახალ პაპს ირჩევს.

ვატიკანში შეკრებილ ათასობით ადამიანთან ერთად, სიქსტის კაპელაში შეკრებილი კარდინალებისგან სიახლეს და საკვამურიდან ამომავალ შავ ან თეთრ კვამლს ერთი შეხედვით უცნაური მაყურებელიც ჰყავდა — თოლია.

ფოტო: @EWTNVatican / X

სიქსტის კაპელის სახურავზე დამონტაჟებულია კამერები, რომლებიც კონკლავის პროცესის პირდაპირ ტრანსლაციას იღებენ. სწორედ ამ კამერებმა დააფიქსირეს თეთრი თოლია, რომელიც პაპის ასარჩევად გამართული პირველი კენჭისყრის განმავლობაში ადგილის მოუცვლელად იდგა სახურავზე და საკვამურს გასცქეროდა. სიქსტის კაპელა ფრინველმა ცოტა ხნით მაშინ დატოვა, როცა მოშივდა და ცოტა ხანში კამერებში ისევ გამოჩნდა, ამჯერად ნისკარტში მომარაგებული საჭმლით.

ფოტო: LSNCatholic

კონკლავის მაყურებელ თოლიას სტუმრებიც გამოუჩნდნენ — კადრებში ცოტა ხნით რამდენიმე სხვა ფრინველიც გამოჩნდა და ცნობილ საკვამურთან მოიკალათა, მაგრამ არცერთი მათგანი გაჩერებულა ვატიკანში იმდენ ხანს, რამდენ ხანსაც თოლია.

თოლიას მსოფლიოს ყურადღების ცენტრში მოქცევას ინტერნეტში უამრავი გამოხმაურება მოჰყვა, მათ შორის:

"კვამლის მოლოდინში Sky News-ს ვუყურებ და ჩემმა კატებმა გადაწყვიტეს, რომ სიქსტის კაპელას სახურავზე მყოფი თოლია ყველაზე საინტერესო რამაა," — წერს მომხმარებელი X-ზე.

"ცხადია, ხალხი ვის ირჩევს პაპად"

"თოლიების ამ ოჯახს კონკლავის საყურებლად საუკეთესო ადგილები აქვს შერჩეული"

იხილეთ ასევე: