ლიდერი დეველოპერული კომპანია m² და ოჯახური ბიზნეს მოდელის მაღაზია ფუნდუკი, რომელიც ცნობილია ეკო-მეგობრული და მდგრადი მიდგომებით, კრეატიულობითა და კულტურის მხარდაჭერით — პარტნიორობას აანონსებენ. აღნიშნული კოლაბორაცია ორ ბრენდს პიროვნული ინდივიდუალურობის გამოხატვის იდეის ირგვლივ აერთიანებს, რაც ასახული იქნება ექსკლუზიური ჩანთების კოლექციაში m²-ის ბრენდის შთამაგონებელი გზავნილით — იცხოვრე შენი ცხოვრებით.

ფოტო: m²

m² ცნობილია თავისი ინოვაციური მიდგომით, ქმნის სივრცეებს, რომლებიც მცხოვრებლებს საშუალებას აძლევს გამოხატონ საკუთარი იდენტობა და შთააგონებს ადამიანებს გაბედონ და იყვნენ ავთენტურები, ესწრაფონ, შექმნან და იცხოვრონ ისეთ გარემოში, სადაც თავს კომფორტულად და ბედნიერად იგრძნობენ. ფუნდუკთან თანამშრომლობა კი m²-ის ფილოსოფიას ნივთიერ პროდუქტში გადმოსცემს.

“ჩვენი კოლაბორაცია ორი ბრენდის საინტერესო სინერგიაა, რომელიც არა მხოლოდ ფიზიკურ, არამედ ემოციურ დონეზეა მიმართული. აღნიშნული კოლექცია ჩვენი მესიჯის — გაბედე, იცხოვრე შენი ცხოვრებით” უნიკალური დემონსტრირებაა. ის ინდივიდუალობის გამოხატვას უჭერს მხარს და თანხვედრაშია იმ ადამიანების გემოვნებასთან, რომლებიც აფასებენ შემოქმედებითობას, თავისუფლებას და ეკო-მეგობრულ ცხოვრების სტილს.” - აცხადებს m²-ის მარკეტინგის დეპარტამენტის ხელმძღვანელი, მარიამ დიდებაშვილი.

ფოტო: m²

"ფუნდუკში ჩვენ ვმუშაობთ ისეთი ნივთების შექმნაზე, რომლებიც ამბავს გვიყვებიან და m²-თან ეს პარტნიორობა სრულად შეესაბამება ჩვენს ფილოსოფიას. ერთად ვქმნით პროდუქტს, რომელიც არა მხოლოდ ვიზუალურად მომხიბვლელია, არამედ კომფორტული ცხოვრების სტილს გამოხატავს" — მარიკა ჭახრაკია, ფუნდუკის დამფუძნებელი.

კოლაბორაციის ფარგლებში შექმნილი პროდუქციის ნახვა შესაძლებელია ვებ-გვერდზე www.liveyourownlife.ge, შეძენა კი ფუნდუკის სოც. მედია არხებსა და მაღაზიაში — თბილისი, ატენის ქ. N16ა.