ლიეტუვის საგარეო საქმეთა მინისტრის, კიასტუტის ბუდრისის თქმით, ყირიმის სტატუსის ეჭვქვეშ დაყენებით, ხსნიან "ჯოჯოხეთს, საიდანაც დემონები გამოვლენ, რომელთა შეკავებასაც ვერავინ შეძლებს."

მის კომენტარს უკრაინული მედია ავრცელებს.

"ეს (რუსეთის პრეტენზიები ყირიმზე) არ შეიძლება განხილვის საგანი იყოს, ეს სახიფათო ტერიტორიაა, რადგან სიგნალს აგზავნის: თუ თქვენ განახორციელეთ ტერიტორიის ოკუპაცია და რამდენიმე წლის განმავლობაში იკავებდით მას, შეგიძლიათ მისი კანონიერი მისაკუთრება მოითხოვოთ.

საერთაშორისო სამართლის პრინციპების ეჭვქვეშ დაყენებით, ყირიმის სტატუსის ეჭვქვეშ დაყენებით, ჩვენ ვხსნით ჯოჯოხეთს, საიდანაც დემონები გამოვლენ, რომელთა შეკავებასაც ვერავინ შეძლებს", — განაცხადა ლიეტუვის საგარეო საქმეთა სამინისტროს ხელმძღვანელმა.